11-11-2025 - RADON

05-05-2025 - RADON

05-03-2020 - RADON

26-03-2026 - INSST

Estas Notas Técnicas de Prevención tratan sobre a orixe do radon, os parámetros para a súa cuantificación, as particularidades da súa presenza nos lugares de traballo, os efectos que pode producir sobre a saúde e proporcionan pautas concretas para unha correcta xestión do risco de exposición laboral.

11-11-2025 - ISSGA

Neste documento recóllense as obrigas dos titulares das actividades laborais en relación co Regulamento sobre protección da saúde contra os riscos derivados da exposición ás radiacións ionizantes (Real decreto 1029/2022).

04-11-2025 - Gabinete Técnico Confederal de Saúde Laboral

A Directiva 2013/59/Euratom de 5 de decembro de 2013, pola que se estabelecen as normas de seguridade básicas para a protección contra os perigos derivados da exposición a radiacións ionizantes require que os estados membros poñan en marcha plans estatais de actuación contra o radon, co fin de reducir o risco de cancros debido á exposición a este gas radioactivo de orixe natural; a directiva insta aos estados a identificar as zonas xeográficas máis expostas e estipula que nos lugares de traballo situados en plantas baixas e sotos destas zonas deben levarse a cabo medicións de radon.

05-05-2025 - BOE

19-02-2025 - CSN-Consello de Seguridade Nuclear

O Consello de Seguridade Nuclear pon a disposición o documento "Preguntas frecuentes sobre radon nos lugares de traballo", actualizado a xaneiro de 2025

19-02-2025 - Ministerio de Sanidade

O documento expón localizar e analizar boas prácticas e evidencia científica existentes sobre a vixilancia sanitaria especifica de persoas traballadoras expostas a radon e valorar as principais alternativas dispoñibles para a vixilancia da saúde específica das persoas traballadoras expostas e a súa posible aplicación ao contexto estatal.

05-12-2024 - BOE

Exposición ao radon nos lugares de traballo -Capítulo II do Titulo IX do Real Decreto Real Decreto 1217/2024, do 3 de decembro, polo que se aproba o Regulamento sobre instalacións nucleares e radioactivas, e outras actividades relacionadas coa exposición ás radiacións ionizantes publicado o 4 de decembro de 2024-

11-11-2024 - XUNTA DE GALICIA

A Estratexia galega Reduce radon estrutúrase en cinco eixes estratéxicos que perseguen como fin último conseguir unha Galiza menos exposta o radon nos ambientes interiores: identificación dos niveis de radon en lugares e áreas de Galiza, vixilancia epidemiolóxica e da saúde, xestión do coñecemento dos efectos da exposición ao radon na saúde da poboación, comunicación interna e externa sobre os riscos para a saúde da exposición ao radon e xestión do risco da exposición ao radon na poboación

03-05-2024 - ISSGA

O ISSGA pon a disposición o documento informativo "O radon no ámbito laboral: medidas preventivas" actualizado a 2 de maio de 2024. O Regulamento sobre protección da saúde contra os riscos derivados da exposición ás radiacións ionizantes (Real decreto 1029/2022) estabelece como obrigas para os/as titulares das actividades laborais : cumprir co nivel de referencia estabelecido polo RD para os recintos pechados, levar a cabo diferentes actuacións relacionadas coa necesidade de cumprir co nivel de referencia e levar a cabo determinadas actuacións no caso de que se supere o nivel de dose anual estabelecido a partir do cal a exposición das persoas traballadoras deberá xestionarse como unha situación de exposición planificada

25-03-2024 - GABINETE TÉCNICO CONFEDERAL DE SAÚDE LABORAL-CIG

O radon (Rn-222) é un isótopo radioactivo pertencente ao grupo dos gases nobres, incoloro, inodoro e moderadamente soluble na auga e outros líquidos. Procede da cadea de desintegración do uranio (U-238), que está presente nas rochas da cortiza terrestre e outros compartimentos ambientais, e é descendente directo do radio (Ra-226). Dende o subsolo, este gas pode migrar ao aire interior de vivendas e edificios, nos cales tende a acumularse.

26-01-2024 - MINISTERIO DE SANIDADE

O obxectivo principal do Plan Nacional contra o Radon é protexer a saúde da poboación e as persoas traballadoras fronte aos riscos para a saúde da exposición ao radon. Devandito obxectivo vén avalado polo artigo 77 do Real Decreto 1029/2022 polo cal o Goberno establecerá a política para reducir o risco para a saúde da poboación debido á exposición ao radon en recintos pechados, así como polo artigo 103 da Directiva 2013/59/Euratom, que ten como máxima establecer as bases para reducir, a medio e longo prazo, os efectos sobre a saúde debidos ás exposicións a radon en ambientes interiores (vivendas, edificios de acceso público e lugares de traballo).

09-01-2024 - MINISTERIO DE SANIDADE

O Consello de ministros aprobou este martes, a proposta do Ministerio de Sanidade o Plan Nacional contra o Radon co obxectivo de protexer a saúde do conxunto da poboación, e as persoas traballadoras en particular, fronte aos riscos da exposición a este elemento químico en forma gasosa.

23-12-2022 - ISSGA

Mediante este real decreto realízase unha transposición parcial da Directiva 2013/59/Euratom do Consello, do 5 de decembro de 2013, no relativo á protección da saúde contra os riscos derivados da exposición ás radiacións ionizantes quedando derrogado o Real decreto 783/2001, do 6 de xullo, polo que se aproba o Regulamento sobre protección sanitaria contra radiacións ionizantes e o Real decreto 413/1997, do 21 de marzo, sobre protección operacional dos traballadores externos con risco de exposición a radiacións ionizantes por intervención en zona controlada.

16-12-2022 - GABINETE TÉCNICO CONFEDERAL DE SAÚDE LABORAL-CIG

Logo de acumular oito anos de retraso na completa transposición da Directiva Europea 2013/59/ Euratom, pola que se establecen as normas de seguridade básicas para a protección contra os perigos derivados da exposición a radiacións ionizantes, que obriga aos Estados membros a contar cun Plan Estatal contra o radon, o Estado español sitúase no furgón de cola na protección da saúde dos cidadáns e das persoas traballadoras fronte aos efectos nocivos do gas radon que na práctica supoñen a segunda causa de cancro de pulmón segundo as estimacións sanitarias, e clasificado pola OMS vai xa 34 anos como carcinóxeno do grupo 1.

11-11-2022 - RADON

España é o único país da UE que aínda non traspuxo a Directiva 59/2013/EURATOM, que obriga a todos os estados membros a medir e controlar o radon en vivendas, colexios, edificios públicos, lugares de traballo, etc. Fai catro anos e medio, o 6 de febreiro de 2018, prescribiu o prazo máximo para poñer en marcha un Plan Nacional contra o Radon. Neste contexto celebrouse o II Congreso Nacional de Radon, organizado pola iniciativa Vive sen radon do Instituto para a Saúde Xeoambiental, e no que participaron unha ducia de expertos e técnicos de primeiro nivel sobre a problemática deste gas radioactivo.

21-06-2022 - INSST

Os efectos do radon sobre a saúde investigáronse ao longo de varias décadas. Recentemente, ditas investigacións achegaron probas convincentes de que existe unha relación causal entre o radon en interiores e o cancro de pulmón. A través deste artigo, publicado no Nº 109 da revista Seguridade e Saude no Traballo, o INSST pretende orientar ás empresas acerca de como proceder para avaliar e controlar este risco

08-06-2022 - CSN-Consello de Seguridade Nuclear-

Estas campañas periódicas de intercomparación e os seus resultados permiten ao Consello de Seguridade Nuclear verificar a adecuada resposta dos novos dispositivos de medida que se incorporan ao mercado e dispoñer de información de base para revisar ou validar as súas directrices e recomendacións sobre a medición do radon no aire.

29-07-2021 - RADON

Esta Guía pretende ser, por unha banda, unha ferramenta fundamental para os proyectistas ante o reto de deseñar solucións de protección fronte ao radon e, por outro, unha fonte de información para os usuarios de edificios afectados, para que coñezan de forma aproximada o alcance das solucións posibles, así como as distintas vías de entrada do radon no edificio e a influencia que pode chegar a ter o comportamento dos propios usuarios na concentración deste gas.

22-11-2020 - RADON

O obxectivo da Guía de Rehabilitación fronte ao radon é constituír unha ferramenta de axuda para o deseño de solucións de protección fronte ao radon. Proporciona os conceptos fundamentais necesarios que apoian o correcto diagnóstico das vías de entrada do radon, ilustra o proceso de realización das medicións de radon, así como presenta as solucións de protección e proporciona criterios para a elección das solucións máis adecuadas a cada caso.

07-11-2019 - Gabinete Técnico Confederal de Saúde Laboral - Boletín CIG-Saúde Laboral Núm. 33

O radon é un gas radioactivo de orixe natural, que tende a concentrarse en interiores, como en vivendas, escolas e lugares de traballo. Segundo o estudo multicéntrico “Small Cell”, publicado en Arquivos de Bronconeumoloxía, revista científica da Sociedade Española de Pneumoloxía e Cirurxía Torácica (Separ), o radon desempeña un papel importante na aparición e desenvolvemento de cancro de pulmón de células pequenas (CPCP) ou cancro microcítico, un tipo especialmente grave do cancro de pulmón que adoita evolucionar en metástase e desgraciadamente en non poucas ocasións provoca a morte do paciente. Para determinar a influencia deste gas no desenvolvemento de cancro microcítico, proveuse aos pacientes participantes no estudo de detectores de gas radon, que debían colocar no dormitorio principal durante tres meses, concluíndo que, de 113 casos de cancro estudados, 63 teñen a súa orixe na exposición ao gas radon.

29-03-2017 - Gabinete Técnico Confederal de Saúde Laboral - Boletín CIG-Saúde Laboral Núm. 23

O gas Radon foi descuberto en 1900 por Friederich Ernst Dorn, pero será na década dos 80 cando estudos realizados en traballadores/as expostos ao gas permitiron establecer a relación entre a exposición ao radon e o cancro de pulmón. Nos últimos anos desenvolveuse unha crecente preocupación entre a comunidade científica de Galiza, debido á constatación da presenza de radon en vivendas e centros de traballo, polo risco que a exposición a este gas ten para a saúde.