Co financiamento de:
Novidades lexislativas:
BOE 23/10/26 Real Decreto 847/2026, disposicións mínimas seguridade e saúde traballos con risco exposición amiantoBOE 6/11/26 Real Decreto 952/2026, regúlanse autorización, fabricación, comercialización e uso biocidas.DOUE 13/11/26 Decisión de Execución (UE) 2026/2505, luvas protección perruqueiros, roupa protección choiva e protección ocular e facial no traballo
CoronavirusLexislaciónDelegadosActuación preventivaRiscos específicosBoletín CIG - Saúde LaboralAsesoramento técnico

Boletín CIG Saúde Laboral Nº 70

27-10-2026 - Gabinete Técnico Confederal de Saúde Laboral

O 3 de xullo de 2025 publicouse no BOE a Resolución que incorpora o Convenio subscrito o 9 de xuño de 2025 entre o Instituto Nacional da Seguridade Social (INSS), o Instituto Nacional de Xestión Sanitaria (INGESA), as Mutuas Colaboradoras coa Seguridade Social e a Asociación de Mutuas de Accidentes de Traballo e Enfermidades Profesionais (AMAT), co fin “teórico” de mellorar a xestión da incapacidade temporal e a asistencia sanitaria das persoas traballadoras afectados. O convenio estabelece un marco de colaboración para “en principio” axilizar e optimizar a prestación económica da incapacidade temporal por continxencias comúns, así como os procesos diagnósticos, terapéuticos e rehabilitadores que INGESA facilite ás mutuas, sempre co consentimento informado do paciente e dentro das funcións propias de cada parte asinante. Esta última reforma do ano 2025 supón un cambio significativo no papel das mutuas colaboradoras coa Seguridade Social, especialmente no tratamento de problemas musculoesqueléticos derivados de continxencias comúns. O INGESA é o “servizo de saúde” estatal para Ceuta e Melilla, con funcións equivalentes ás dun servizo autonómico.

Cara a postos de traballo administrativos inclusivos

17-11-2026 - INSST

Nestes documentos preséntanse diversas consideracións crave para promover a inclusión laboral de persoas con discapacidade física, auditiva, visual, intelectual e persoas con problemas de saúde mental en postos administrativos, promovendo condicións axeitadas de seguridade e saúde mediante a análise das demandas e requisitos habituais propias das tarefas para desenvolver nesta contorna laboral, e a identificación de posibles situacións que poidan xerar barreiras ou requirir medidas preventivas ou de adaptación.

Guía de actuación ante situacións de violencia interna no traballo

16-11-2026 - IAPRL

A Guía de actuación ante situacións de violencia interna no traballo, elaborada polo Instituto Asturiano de Prevención de Riscos Laborais e actualizada en setembro de 2026, constitúe unha ferramenta preventiva práctica, eficaz e adaptable a calquera tipo de organización. O seu propósito principal é ofrecer un marco integral para abordar os riscos psicosociais e xestionar condutas inadecuadas -como os malos tratos, as agresións ou os conflitos interpersoais prolongados— que poidan xurdir entre o persoal dunha entidade.

O Barómetro de Seguridade e Saúde no Traballo amplíase con novos datos sobre os accidentes laborais e a saúde das persoas traballadoras

13-11-2026 - EU-OSHA

O Barómetro da SST, a ferramenta interactiva de visualización de datos da EU-OSHA sobre seguridade e saúde no traballo, conta agora con dúas novas seccións de datos: os accidentes de traballo mortais e non mortais en todos os sectores dentro de cada país da UE, ou en todos os países da UE por sector de actividade e unha nova sección sobre a saúde das persoas traballadoras que ofrece unha visión xeral da saúde segundo a propia valoración das traballadoras e traballadores e os resultados de saúde relacionados co traballo, que abarcan a fatiga, a tensión, a ansiedade, os trastornos musculoesqueléticos e outras afeccións vinculadas ao traballo, á vez que proporciona información sobre como se compara a saúde das persoas

Unhas 100.000 persoas mobilizáronse coa CIG na xornada de folga xeral para exixir unha vida digna

12-11-2026 - CIG-CONFEDERACIÓN INTERSINDICAL GALEGA

Unhas 100.000 persoas mobilizáronse nas 17 multitudinarias manifestacións convocadas pola CIG, en cidades e vilas de toda Galiza, na xornada de folga xeral para reclamar respostas á grave carestía da vida e ao aumento da pobreza laboral que está esganando o conxunto do pobo galego. Paulo Carril: “A Folga Xeral é a resposta obrigada á carestía da vida, para forzar os gobernos a adoptar medidas e reclamar poder ir á compra e mercar alimentos básicos, ter unha casa onde vivir e poder pagar a luz e os combustíbeis”

Nova Ficha de axuda para a substitución: Acrilonitrilo

10-11-2026 - INSST

Na colección FAS, que acompaña á xa existente Axentes canceríxenos non traballo: coñecer para previr, pódese atopar información sobre ferramentas de axuda para a substitución, así como algunhas referencias con carácter non exhaustivo, para a substitución de cada un dos axentes nos principais sectores de actividade con risco de exposición. Nesta ocasión o INSST pon ao dispor a ficha Acrilonitrilo

Unha nova mirada á saúde laboral da muller

09-11-2026 - IEAF-AEEMT

Este documento sinala que a prevención se orientou tradicionalmente cara á seguridade industrial e os riscos asociados a profesións altamente masculinizadas, o que pode limitar a identificación e a abordaxe doutros problemas de saúde máis frecuentes en sectores feminizados. Por este motivo, entre as cuestións que aborda o informe atópase a necesidade de revisar os enfoques preventivos para identificar aqueles riscos e problemas de saúde que poden afectar de xeito diferente a mulleres e homes.

Guía de boas prácticas preventivas e ficha PRL para cociñeiras e cociñeiros en hostalaría

06-11-2026 - UMIVALE ACTIVA

As cociñas profesionais son contornas de traballo nas que conviven ferramentas cortantes, maquinaria, altas temperaturas, produtos químicos e esixencias físicas importantes. Unhas condicións que fan imprescindible integrar a prevención de riscos laborais en todas as tarefas cotiás. Umivale presenta un manual preventivo adaptado ao oficio de cociñeira/cociñeiro e unha ficha técnica específica para o uso seguro de fritidoras de aceite, co obxectivo de reducir a sinistralidade nas contornas da cociña profesional.

En que casos o infarto de miocardio é accidente de traballo?

05-11-2026 - BOE

A STSX do País Vasco-SOC núm. 298/2026, do 3 de febreiro, desestima o recurso de suplicación e confirma a sentenza do XS recorrida, que considera accidente de traballo o infarto de miocardio que o traballador sofre mentres se cambiaba de roupa no vestiario do centro de traballo, pouco despois de fichar o final da súa xornada laboral diaria. A Sala aplica a presunción de laboralidade do artigo 156.3 de la LXSS por considerar que a lesión cardiovascular acontece en tempo e lugar de traballo, sen que a entidade colaboradora (Mutua) formulase proba en contrario de ruptura do nexo de causalidade. A sentenza resulta relevante pola matización que realiza do concepto fáctico e xurídico de tempo de traballo.

Riscos de inundacións no ámbito laboral: guía práctica sobre a preparación para garantir a seguridade e a resiliencia de las pequenas empresas

03-11-2026 - Axencia Europea para a Seguridade e a Saúde no Traballo

Esta guía da EU-OSHA ofrece recomendacións prácticas para a avaliación de riscos, a planificación de emerxencias, a protección das persoas traballadoras e a recuperación tralas inundacións relacionadas con fenómenos meteorolóxicos extremos e o cambio climático. As listas de comprobación recollen as medidas destinadas a garantir a seguridade das persoas traballadoras, a continuidade da actividade empresarial e a resiliencia da organización antes, durante e despois das inundacións.

Recibe as novas do noso boletín dixital




PRL Sectorial
Formación
I+D+i
Datos estatísticos
Empregamos cookies de terceiros para xenerar estatísticas da audiencia (GOOGLE ANALITICS), para o traductor de idiomas (GOOGLE), acollido a “Privacy Shield”.
Se continuas navegando estarás aceitando o seu emprego. Aceptar | Mais información
Confederación Intersindical Galega - Miguel Ferro Caaveiro 10, Santiago de Compostela Versión anterior da páxina Foros Biblioteca Privacidade RSS