Co financiamento de:
/ Portada / Riscos específicos / Risco químico

Risco químico: Guía básica de produtos

11-04-2013 - GABINETE TÉCNICO CONFEDERAL DE SAÚDE LABORAL - CIG

Risco químico: Guía básica de información e sensibilización

05-01-2012 - GABINETE TÉCNICO CONFEDERAL DE SAÚDE LABORAL - CIG

Lexislación relacionada

04-03-2024 - RISCO QUÍMICO

Documentos de interese

06-04-2020 - RISCO QUÍMICO

Recursos na rede

28-04-2020 - RISCO QUÍMICO

Novidades MTA: Determinación de diisocianato de 2,6-tolueno en aire

21-03-2024 - INSST

Este método describe o procedemento para a determinación de diisocianato de 2,6-tolueno en aire, mediante a técnica de captación en filtro impregnado de 1-(2-piridil) piperazina/cromatografía líquida de alta resolución. Este método de toma de mostra e análise desenvolveuse para determinar a concentración media ponderada no tempo de 2,6-TDI no aire, en toma de mostras persoais e en lugares fixos. Por iso, pode ser utilizado para realizar medicións para comparar cos valores límite de exposición profesional e medicións periódicas.

Nova colección técnica do INSST: Fichas de toma de mostra e análise de axentes químicos (FTA)

11-03-2024 - INSST

A presente colección inclúe fichas, específicas para cada axente ou familia de axentes químicos, que proporcionan aos técnicos/as de prevención unha información simple e detallada para medir a exposición dos traballadores/as e poder comparar cos valores límite de exposición profesional (VLA).

Límites de Exposición Profesional para Axentes Químicos 2024

19-02-2024 - INSST

Os Límites de Exposición Profesional son valores de referencia para a avaliación e control dos riscos inherentes á exposición, principalmente por inhalación, aos axentes químicos presentes nos postos de traballo e, por tanto, para protexer a saúde das persoas traballadoras. Non constitúen unha barreira definida de separación entre situacións seguras e perigosas.

Identificación de riscos químicos no lugar de traballo

22-01-2024 - GABINETE TÉCNICO CONFEDERAL DE SAÚDE LABORAL-CIG

Os riscos químicos na contorna laboral son aqueles que se derivan da exposición a substancias químicas perigosas no lugar de traballo. Estes riscos poden ser altamente prexudiciais para a saúde das persoas traballadoras, así como para o medio ambiente. Para cualificar un risco químico dende o punto de vista da súa gravidade, débense valorar conxuntamente a probabilidade de que se produza o dano e a severidade do mesmo. A gravidade do risco depende non só da natureza da substancia ou axente químico en cuestión, senón tamén das condicións individuais do traballador/a exposto/a e das características da exposición, as cales están determinadas por factores propios do posto de traballo (tempo de exposición, xeración do axente químico, ventilación, etc.) e das condicións ambientais que poidan favorecer a absorción do tóxico, como a temperatura ambiente ou o esforzo físico que require o traballo.

Prevención do risco químico nas tarefas de manicura profesional e aplicación de tratamentos para pestanas

22-01-2024 - ISSGA

Esta publicación do ISSGA, enmarcada dentro da Campaña “Corta o risco químico, peitea con seguridade”, ten como obxectivo alertar sobre os danos para a saúde das persoas traballadoras nas actividades de manicura e pedicura profesionais e na colocación de pestanas postizas derivados da manipulación de produtos con ingredientes perigosos.

Protocolización da vixilancia específica das persoas con risco de exposición laboral a produtos químicos -2023-

10-01-2024 - OSALAN -Instituto Vasco de Seguridade e Saúde Laboral

A presente guía para a vixilancia da saúde é de aplicación ás persoas traballadoras que estean expostas a riscos que poidan derivarse da presenza de axentes químicos no lugar de traballo ou de calquera actividade profesional con axentes químicos e, en xeral, a quen teña risco de exposición a substancias e mesturas, segundo quedan definidas no Regulamento (CE) nº 1272/2008 do Parlamento Europeo e do Consello, do 16 de decembro de 2008, sobre clasificación, etiquetaxe e envasado de substancias e mesturas (Regulamento CLP), polo que se modifican e derrogan as Directivas 67/548/CEE e 1999/45/CE e modifícase o Regulamento (CE) nº 1907/2006.

Boletín CIG-Saúde Laboral Nº 48

20-12-2023 - GABINETE TÉCNICO CONFEDERAL DE SAÚDE LABORAL-CIG

Os riscos químicos na contorna laboral son aqueles que se derivan da exposición a substancias químicas perigosas no lugar de traballo. O Regulamento (CE) Nº 1272/2008, sobre clasificación, etiquetaxe e envasado de substancias e mesturas (Regulamento CLP), ten como obxecto garantir unha comunicación clara e harmonizada sobre os perigos que presentan as substancias e as mesturas químicas a través da clasificación e etiquetaxe dos produtos químicos. Este Regulamento estabelece a clasificación das substancias e mesturas químicas en categorías/niveis de perigo: categorías 1,2,3,4, e tipos de perigo: perigos físicos, perigos para a saúde e perigos para o medio ambiente. En relación á etiquetaxe, o Anexo III do Regulamento CLP relaciona as frases H (ou de perigo), que describen a natureza dos perigos dunha substancia ou mestura incluíndo, se procede, o grao de perigo; o Anexo IV lista as frases P (ou consellos de prudencia), que describen as medidas recomendadas para minimizar ou evitar os efectos adversos causados pola exposición a unha substancia o mestura perigosa durante o seu emprego ou eliminación. Neste artigo revisaremos o concepto de risco químico, os tipos de axentes químicos máis habituais nos lugares de traballo, os efectos sobre a saúde dos axentes químicos, como identificar as substancias perigosas (etiquetas e fichas de seguridade), control dos riscos e fontes de información.

12 puntos importantes para a utilización de materiais químicos

24-10-2023 - AEPSAL

A utilización de materiais químicos débese levar a cabo de maneira segura e seguindo as instrucións adecuadas. A seguridade é fundamental cando se trata de traballar con este tipo de materiais. É importante seguir sempre as instrucións específicas de seguridade proporcionadas para cada substancia e buscar asesoramento en caso de dúbidas. A continuación tes unha guía xeral sobre a forma correcta de utilizar materiais químicos

Guía de actuación ante queimaduras químicas no entorno laboral. Grupo Funcional de Risco Químico

09-10-2023 - ASOCIACIÓN ESPAÑOLA DE ESPECIALISTAS EN MEDICIÑA DO TRABALLO

Esta guía práctica xorde da necesidade de establecer uns criterios homoxéneos e unificados sobre a aproximación á abordaxe das lesións provocadas polo contacto químico. Desenvolveuse co traballo dos compoñentes do grupo funcional de Risco químico da Asociación Española de Especialistas en Medicina do Traballo, e como novidade contou coa colaboración no seu desenvolvemento da Intelixencia Artificial (AI) grazas ao GPT-4 de OpenAI.

Guía para a xestión preventiva das instlacións dos lugares de traballo: Instalacións de amacenamento de produtos químicos

06-10-2023 - INSST

O presente documento detalla os principais requisitos que o titular debe ter en conta en relación coa posta en servizo, mantemento, uso e inspeccións das instalacións de almacenamento de produtos químicos (APQ) novas ou as ampliacións ou modificacións das existentes (non integradas en unidades de proceso), referidas no Real Decreto 656/2017, do 23 de xuño, polo que se aproba o Regulamento de Almacenamento de Produtos Químicos (en diante RAPQ) e as súas Instrucións Técnicas Complementarias (ITC), concretamente as ITC daquelas instalacións de almacenamento máis frecuentes nun centro de traballo: MIE-APQ 1: Almacenamento de líquidos inflamables e combustibles en Instalacións de almacenamento de produtos químicos recipientes fixos, MIE-APQ 5: Almacenamento de gases en recipientes a presión móbiles e MIE-APQ 10: Almacenamento en recipientes móbiles.

Boas prácticas para o almacenamento de produtos químicos perigosos - 2023

18-07-2023 - INSST

Este documento do INSST, pon ao dispor coñecemento actualizado sobre como xestionar os riscos para a seguridade e a saúde asociados cos almacenamentos de axentes químicos (APQ) perigosos no lugar de traballo, incluíndo as actividades de almacenamento, manipulación e transporte. En esencia, pretende servir de orientación no proceso de avaliación dos riscos ligados aos APQ, na adopción de medidas preventivas e, en definitiva, na xestión dos devanditos riscos.

Vídeo: Verificación do caudal de mostraxe de axentes químicos

24-05-2023 - INSST

Con este vídeo do INSST, preténdese facilitar o labor dos/as técnicos/as de prevención que realizan estas medicións, mostrando o procedemento que se debe seguir para verificar o caudal de mostraxe antes e despois de realizar a toma de mostras, así como a forma de introducir os resultados no cálculo da incerteza asociada á medición

Avaliación da exposición a axentes químicos en salóns de peiteado - Ano 2023

21-04-2023 - INSST

Con este tríptico do INSST, preténdese facilitar o labor dos/as técnicos/as de prevención, proporcionando de forma esquemática información sobre os aspectos que se deben ter en conta na mostraxe de axentes químicos perigosos neste sector, así como medidas preventivas que se poden aplicar

Límites de exposición profesional para axentes químicos 2023

17-03-2023 - INSST

O documento dos Límites de Exposición Profesional para Axentes Químicos recolle os valores adoptados polo Instituto Nacional de Seguridade e Saúde no Traballo para o ano 2023. Os Límites de Exposición Profesional son valores de referencia para a avaliación e control dos riscos inherentes á exposición, principalmente por inhalación, aos axentes químicos presentes nos postos de traballo e, por tanto, para protexer a saúde dos traballadores e traballadoras

A Comisión Europea adopta medidas para estabelecer novos límites de exposición profesional ao chumbo e por primeira vez aos diisocianatos

16-02-2023 - COMISIÓN EUROPEA

A Comisión toma medidas para mellorar a protección das persoas traballadoras fronte aos riscos para a saúde relacionados coa exposición de substancias químicas perigosas como o chumbo ou os diisocianatos. No caso do chumbo, un límite de exposición significativamente reducido axudará a previr problemas de saúde para as traballadoras e traballadores, como os que afectan ás funcións reprodutoras ou ao desenvolvemento fetal e para os diisocianatos, un novo límite de exposición evitará casos de asma e outras enfermidades respiratorias

Infografías sobre risco químico: Evita ou minimiza riesgos, Trasvasa sen riscos e Ollo á etiqueta

10-01-2023 - INSST

O Instituto Nacional de Seguridade e Saúde no Traballo (INSST) ofrece unha serie de materiais divulgativos e informativos sobre o risco químico, cuxa finalidade é ofrecer unha información sintética e visual acerca das principais medidas recomendadas para a identificación, avaliación e control do risco químico nos lugares de traballo

Xestion do risco químico no sector agrícola

26-12-2022 - OIT

Este documento ofrece directrices xerais para a aplicación do Sistema Globalmente Harmonizado de Clasificación e Etiquetaxe de Produtos Químicos (SGA) e orientacións prácticas ao sector agrícola para xestionar eficazmente o risco químico.

Novas fichas da colección "Axentes canceríxenos no traballo: Coñecer para previr": Cromo e Amianto

20-12-2022 - INSST

A exposición laboral aos compostos de Cr (VI) ou ao amianto pode provocar efectos prexudiciais para a saúde. Con esta novas fichas ou INSST informa sobre como xestionar o risco por exposición a estes axentes. Para cada un dos axentes pódese atopar información sobre onde se pode dar a exposición a ese axente, que riscos pode producir para a saúde ou cales son as principais medidas preventivas e de control.

Novas FCAQ: fichas (BK0-BK7) para o control da exposición a sílice na fabricación de ladrillos e azulexos

12-12-2022 - INSST

Instituto traduciu as fichas de consellos básicos desenvoltas polo Health and Safety Executive (HSE) do seu modelo COSHH Essentials. As fichas do programa COSHH Essentials proporcionan recomendacións básicas de boas prácticas de traballo para distintas operacións a fin de controlar a exposición a substancias químicas perigosas na contorna laboral. Nesta nova entrega, o INSST continúa coa colección de fichas correpondentes a determinados sectores industriais, 8 fichas (BK0-BK7) para o control da exposición a sílice na fabricación de ladrillos e azulexos

Axentes Canceríxenos no Traballo: Coñecer para Previr

07-06-2022 - INSST

A colección Axentes Canceríxenos no Traballo: Coñecer para Previr está formada por unha serie de folletos monográficos dos axentes químicos canceríxenos que se poden atopar de forma máis habitual nos lugares de traballo. Para cada un destes axentes o INSST elaborou tamén un cartel informativo dirixido aos traballadores e traballadoras que están ou poden estar expostos a eses axentes no seu traballo.

Novas fichas DLEP

24-05-2022 - INSST

O INSST pon a disposición os últimos DLEP que complementan ao documento Límites de exposición profesional para axentes químicos e á aplicación informática LEP. Estes documentos recollen a información toxicolóxica relativa para os efectos das substancias sobre a saúde dos traballadores/as e a relación entre a dose de exposición e os efectos que provocan. Esta información serviu para poder establecer os límites de exposición profesional para cada axente químico.

Límites de exposición profesional para axentes químicos 2022

20-04-2022 - INSST

Neste documento recóllense os Límites de Exposición Profesional para Axentes Químicos adoptados polo Instituto Nacional de Seguridade e Saúde no Traballo para o ano 2022. Os Límites de Exposición Profesional son valores de referencia para a avaliación e control dos riscos inherentes á exposición, principalmente por inhalación, aos axentes químicos presentes nos postos de traballo e, por tanto, para protexer a saúde dos traballadores e traballadoras. Non constitúen unha barreira definida de separación entre situacións seguras e perigosas.

Modificación da Directiva relativa á protección dos traballadores contra os riscos relacionados coa exposición a axentes carcinóxenos ou mutáxenos durante o traballo

16-03-2022 - DOUE

Dende esta nova accedemos á Directiva (UE) 2022/431 do Parlamento Europeo e do Consello do 9 de marzo de 2022 pola que se modifica a Directiva 2004/37/CE, relativa á protección dos traballadores contra os riscos relacionados coa exposición a axentes carcinóxenos ou mutáxenos durante o traballo e a dúas declaracións da Comisión relativas a esta directiva

Exposición laboral por vía inhalatoria a axentes químicos canceríxenos ou mutáxenos

07-09-2021 - INVASSAT

INVASSAT pon a disposición esta monografía co obxecto de trasladar criterios técnicos referidos á exposición laboral por vía inhalatoria a axentes químicos canceríxenos ou mutáxenos, orientados cara á aplicación práctica del Real Decreto 665/1997. Os criterios relativos aos sectores de actividade contemplados non teñen carácter exhaustivo nin pretenden constituír unha guía de boas prácticas para os devanditos sectores. O seu obxecto é abordar determinadas cuestións específicas que se consideran de especial interese neles.

Axentes canceríxenos no traballo. Síntese de directrices da Axencia Europea para a Seguridade e a Saúde no Traballo (EU-OSHA)

20-07-2021 - Gabinete Técnico Confederal de Saúde Laboral - Boletín CIG-Saúde Laboral Núm. 39

O cancro tense convertido nas últimas décadas nun dos principais problemas de saúde, especialmente nos Estados industrializados. Na actualidade no marco da UE espérase que case un de cada dous homes e máis dunha de cada tres mulleres sexan diagnosticados de cancro nalgún momento da súa vida. No Estado español diagnostícanse cada ano uns 160.000 novos casos de cancro dos que morren ao redor de 100.000 persoas, constituíndo esta a segunda causa de morte tras as enfermidades cardiovasculares. Unha boa parte destas mortes está provocada polo cancro de orixe laboral laboral consecuencia do traballo.

Risco químico: fichas de datos de seguridade

20-07-2021 - Gabinete Técnico Confederal de Saúde Laboral - Boletín CIG-Saúde Laboral Núm. 39

Unha ficha de datos de seguridade (FDS) (en inglés, Safety Data Sheet ou SDS) é un documento que indica as particularidades e as propiedades dunha determinada substancia para o seu uso máis axeitado. Está pensada para indicar os procedementos adecuadamente ordenados para traballar coas substancias dunha maneira segura. En definitiva, o obxectivo da FDS é informar de forma efectiva e suficiente ao usuario profesional do perigo do produto para a saúde, a seguridade e o medio ambiente. Esta información é esencial para unha análise efectiva dos perigos asociados a un produto determinado e é básica para xestionar os riscos laborais debidos á presenza de axentes químicos nos postos de traballo.

Real Decreto 427/2021, do 15 de xuño, polo que se modifica o Real Decreto 665/1997, do 12 de maio, sobre a protección das persoas traballadoras contra os riscos relacionados coa exposición a axentes canceríxenos durante o traballo.

16-07-2021 - Gabinete Técnico Confederal de Saúde Laboral - Boletín CIG-Saúde Laboral Núm. 39

Mediante este real decreto lévase a cabo a transposición da Directiva (UE) 2019/130 do Parlamento Europeo e do Consello, do 16 de xaneiro de 2019, pola que se modifica a Directiva 2004/37/CE relativa á protección das persoas traballadoras contra os riscos relacionados coa exposición a axentes carcinóxenos ou mutáxenos durante o traballo.

Límites de Exposición Profesional para Axentes Químicos 2021

10-05-2021 - INSST

Neste documento recóllense os Límites de Exposición Profesional para Axentes Químicos adoptados polo Instituto Nacional de Seguridade e Saúde no Traballo para o ano 2021. Os Límites de Exposición Profesional son valores de referencia para a avaliación e control dos riscos inherentes á exposición, principalmente por inhalación, aos axentes químicos presentes nos postos de traballo e, por tanto, para protexer a saúde das persoas traballadoras. Non constitúen unha barreira definida de separación entre situacións seguras e perigosas.

Límites de exposición ocupacional (OEL) e a Directiva sobre carcinóxenos e mutáxenos. Esixencia sindical dun novo sistema para establecer os OEL da UE para carcinóxenos.

30-04-2021 - Gabinete Técnico Confederal de Saúde Laboral - Boletín CIG-Saúde Laboral Núm. 38

Os sindicatos europeos están a pedir aos lexisladores da UE que modernicen o sistema actual para establecer valores límites de exposición ocupacional (OEL) dentro da Directiva sobre carcinóxenos e mutáxenos (CMD). Para as organizacións sindicais, o novo sistema debe basearse nun baixo risco de contraer cancro e non nunha análise de custo-beneficio. A finais de setembro de 2020, a Comisión Europea (CE) puxo en marcha o proceso lexislativo para a cuarta revisión da directiva sobre a protección dos traballadores/as fronte aos riscos de exposición a carcinóxenos e mutáxenos no traballo. Aínda que a Confederación Europea de Sindicatos (CES) acolle con satisfacción a iniciativa, considera que un novo sistema coherente e transparente para establecer OEL debería formar parte da revisión.

Métodos de toma de mostras de contaminantes químicos en aire

10-03-2020 - INSST

O obxectivo prioritario para a elaboración das fichas de toma de mostras e análises de contaminantes químicos en aire, éfacilitar o labor dos técnicos de campo na avaliación de riscos químicos en diferentes postos de traballo.

Terceira modificación da Unión Europea da directiva sobre canceríxenos e mutáxenos

11-10-2019 - Gabinete Técnico Confederal de Saúde Laboral - Boletín CIG-Saúde Laboral Núm. 34

ODiario Oficial da Unión Europea vén de publicar o pasado xoves 20 de xuño a Directiva 2019/983 do Parlamento Europeo e do Consello, que modifica a Directiva 2004/37/CE relativa á protección dos traballadores/as contra os riscos relacionados coa exposición a axentes canceríxenos ou mutáxenos durante o traballo.

Fumes de soldadura: un risco para ter moi en conta

31-07-2019 - Gabinete Técnico Confederal de Saúde Laboral - Boletín CIG-Saúde Laboral Núm. 33

Os valores límite para os fumes de soldadura foron non hai moito tempo substituídos como consecuencia da actualización dos límites de exposición dalgúns dos seus compoñentes que se quedaron obsoletos en relación ás últimas investigacións sobre o seu perigo e efectos sobre a saúde.

Guía técnica para a avaliación e prevención dos riscos relacionados coa exposición a axentes canceríxenos ou mutáxenos durante o traballo. INSST

14-01-2019 - GABINETE TÉCNICO CONFEDERAL DE SAÚDE LABORAL-CIG

O Instituto Nacional de Seguridade e Saúde no Traballo, en adiante INSST, de acordo co disposto no artigo 5 do Regulamento dos Servizos de Prevención, ten entre as súas encomendas a ela-boración de Guías destinadas á avaliación e prevención dos riscos laborais. O Real Decreto 665/1997 do 12 de maio, sobre Protección dos traballadores/as contra os riscos relacionados coa exposición a axentes canceríxenos durante o traballo, modificado inicialmente polo Real Decreto 1124/2000 do 16 de xuño, polo Real Decreto 349/2003, de 21 de marzo e posteriormente polo Real Decreto 598/2015, do 3 de xullo, encomenda de maneira específica ao INSST a elaboración e o mantemento actualizado dunha Guía Técnica para a avaliación e prevención dos riscos relacionados coa exposición a axentes canceríxenos ou mutáxenos durante o traballo.

Formaldehido: canceríxeno de categoría 1B

30-03-2017 - Gabinete Técnico Confederal de Saúde Laboral - Boletín CIG-Saúde Laboral Núm. 23

O 5 de xuño de 2014 coa publicación do regulamento (UE) 605/2014 da Comisión, que modificaba o Regulamento (CE) 1272/2008 do Parlamento Europeo e do Consello sobre clasificación, etiquetaxe e envasado de substancias e mesturas, finalizouse un longo proceso administrativo que rematou por determinar que a partires do 1 de xaneiro do ano 2016 o formaldehido pasaba a ser considerado oficialmente como canceríxeno no marco da Unión Europea.

A Comisión Europea propón modificar a actual directiva sobre canceríxenos e estabelecer novos límites obrigatorios para trece substancias

16-07-2016 - Gabinete Técnico Confederal de Saúde Laboral - Boletín CIG-Saúde Laboral Núm. 20

O cancro de orixe laboral é unha enfermidade devastadora en termos humanos, económicos e sociais, calculando a propia Comisión que só co estabelecemento dos valores límite contemplados nesta iniciativa, poderán salvarse nos vindeiros 50 anos máis de cen mil vidas de traballadores e traballadoras, tendo en conta que no marco da UE uns vinte millóns de traballadores/as poderían estar expostos a algunha das substancias carcinóxenas que se van abordar nesta proposta. Hai que ter en conta que o tempo entre a exposición a un carcinóxeno no lugar de traballo e o inicio da enfermidade pode ser até de 50 anos, polo que as estimacións realizadas en relación a incidencia deste tipo de patoloxías, baséase nas perspectivas de exposición, métodos de produción e os coñecementos médicos.

Os valores límite de exposición a axentes químicos

13-03-2012 - Gabinete Técnico Confederal de Saúde Laboral - Boletín CIG-Saúde Laboral Núm. 0

Os axentes químicos que se empregan ou se producen no traballo poden xerar un risco laboral segundo as características do propio axente e o seu emprego ou presenza. Defínese, na normativa laboral, que un axente químico é perigoso cando pode representar un risco para a seguridade e saúde dos traballadores debido ás súas propiedades fisicoquímicas, químicas ou toxicolóxicas e á forma en que se utiliza ou estea presente no lugar de traballo.

Empregamos cookies de terceiros para xenerar estatísticas da audiencia (GOOGLE ANALITICS), para o traductor de idiomas (GOOGLE), acollido a “Privacy Shield”.
Se continuas navegando estarás aceitando o seu emprego. Aceptar | Mais información
Confederación Intersindical Galega - Miguel Ferro Caaveiro 10, Santiago de Compostela Versión anterior da páxina Foros Biblioteca Privacidade RSS