Portada
Gabinete
Recursos técnicos
Igualdade
Denuncias
Enlaces de Interese
Contacto
7/11/2017
Facebook Twitter Google Plus Menéame del.icio.us Chuza
compartir

Coa abstención do PP, o Congreso dá o visto bo para iniciar a tramitación dun Fondo Estatal para compensar economicamente ás vítimas do amianto

AMIANTO
O fondo de compensación económica é un mecanismo que os/as afectados/as polo amianto levan anos reclamando, sobre todo para evitar custosos procesos xudiciais para enfermos e viúvas de falecidos. Trátase logo, de garantir uns fondos económicos que terán especial importancia naqueles casos nos que os enfermos pertecen a empresas xa desaparecidas ás que non poden reclamar indemnización.

Efectivamente, o pasado día 10 de outubro o Congreso deu o visto e prace á tramitación da proposición de lei do Parlamento Vasco para crear un fondo estatal para compensar aos traballadores/as vítimas do amianto.

PSOE, Unidos Podemos, Cidadáns, PNV, Compromís, EH Bildu e Foro Asturias -non estaban na sesión os partidos cataláns- deron o seu apoio á iniciativa vasca, mentres o PP decidiu absterse xa que sabía que a inicitaiva íase aprobar, non tendo sentido votar en contra. A partires de agora ábrese un período de emendas no que se fixarán as condicións que configurarán o acceso a este fondo, aínda que na iniciativa xa se recolle un prazo de seis meses para indemnizar ás vítimas.

O fondo de compensación económica é un mecanismo que os/as afectados/as polo amianto levan anos reclamando, sobre todo para evitar custosos procesos xudiciais para enfermos e viúvas de falecidos. Trátase logo, de garantir uns fondos económicos que terán especial importancia naqueles casos nos que os enfermos pertecen a empresas xa desaparecidas ás que non poden reclamar indemnización.

Segundo a propia iniciativa, entre os anos 1994 e 2008 morreron no conxunto do Estado español ao redor de 4.000 traballadores/as por enfermidades vinculadas ao amianto. Substancia esta extremadamente canceríxena que se empregou profusamente en moitos procesos produtivos, especialmente nas décadas dos anos 70 e 80, prohibíndose o seu uso a comezos da pasada década.

O proxecto de lei, que recentemente foi defendido por parlamentarios vascos de PNV, PSE, EH Bildu e Elkarrekin Podemos, recolle a natureza e organización do fondo de compensación e determina os empresarios, as mutuas e as persoas titulares de dereitos como aqueles que están obrigados a cotizar. Así mesmo reserva achegas a este fondo vía orzamentos do Estado. Do mesmo xeito, establece un prazo de seis meses para que as persoas afectadas teñan dereito á indemnización efectiva.

 

Fonte: Deia

Con la financiación de/ Co financiamento de:
DI-0015/2009, AD-0002/2011, DI-0001/2011, DI-0001/2012, DI-0001/2013, DI-0001/2014, DI-0001/2015. Os contidos publicados son responsabilidade exclusiva do Gabinete Técnico Confederal de Saúde Laboral da Confederación Intersindical Galega e non reflicte necesariamente a opinión da Fundación para a prevención de riscos laborais