Portada
Gabinete
Recursos técnicos
Igualdade
Denuncias
Enlaces de Interese
Contacto
22/11/2016
Facebook Twitter Google Plus Menéame del.icio.us Chuza
compartir

Cumbre de Marrakech: unha declaración de intencións contra o quecemento global

CAMBIO CLIMÁTICO
Estes días tratáronse de fixar en Marrakech os mecanismos para conseguir a meta do Acordo de París: reducir as emisións de CO2 e non superar os 2 ºC de aumento da temperatura en 2100.

A vista está posta no ano 2018, cando o IPCC, o grupo de expertos da ONU, presentará a súa nova avaliación sobre o estado das temperaturas planetarias e dos efectos do cambio climático. Será unha ferramenta de presión crave para forzar aos países para aumentar os seus compromisos de redución de gases de efecto invernadoiro, aínda insuficientes.

As 190 delegacións presentes na conferencia despedíronse cunha humilde bagaxe cuxo máximo logro foi manter o espírito construtivo e universal do anterior cume en París e avanzar en cuestións moi técnicas do ámbito xurídico. Demóranse ata futuras reunións a adopción de medidas concretas no ámbito da mitigación do cambio climático ou dos fondos financeiros para os países en desenvolvemento.

O representante en Marrakech de Ecoloxistas en Acción mostrábase moi crítico: "Viñeron a facerse unha foto e a pedir máis tempo para dilatar a acción climática. O tratado de París está lonxe de facerse realidade".

No acordo especifícase que os países deben presentar as contribucións determinadas a nivel nacional en canto á redución de emisións. Alemaña foi o primeiro país en facelo cun ambicioso plan: para 2050 diminuirán un 80% as emisións respecto das de 1990. EE UU presentou un extenso documento no que anunciaba a súa estratexia para metade de século para loitar contra o cambio climático: reducirá o 80% das emisións de CO2 respecto de 2005, pero as incertidumes xeradas pola chegada de Trump á Casa Blanca centraron os debates.

Polo menos, China, o primeiro emisor mundial de gases de efecto invernadoiro segue na senda de París segundo palabras do seu delegado: "A política de China non cambiou e seguirá na loita contra o quecemento global".

Alemaña, seguido de EE UU e México foron os primeiros países en presentar estratexias de descarbonización para 2050. Os gobernos, o sector privado, científicos e sociedade civil están a buscar solucións paralelas para lograr a total descarbonización. Pero a transición debe ser rápida, a temperatura xa está 1,2 ºC por encima dos niveis preindustriales.

O Estado español ampárase no contexto europeo cuxas metas ata o momento son reducir un 40% de emisións para 2030 -dentro das cales o estado ten como obxectivo reducir o 26%-, pero di pretender chegar a obxectivos máis ambiciosos coa futura lei de Cambio Climático, anunciada en decembro de 2015 a pesares de que non hai unha estratexia clara en temas como o carbón.

A futura lei necesitará da implicación dos demais partidos políticos e constituirá un marco xurídico e regulador para cumprir cos obxectivos climáticos do Acordo de París.

España enfróntase a un aumento de emisións de CO2 que creceron en torno ao 3,5% en 2015. Segundo o Índice de Acción Climática 2017, coordinado por GermanWatch e a coalición europea Climate Action Network (CAN), España baixa unha posición pola súa falta de acción durante este ano. Agora ocupa o posto 33 dos 58 países analizados e que aglutinan máis do 90% das emisións de gases de efecto invernadoiro.

A aposta polas enerxías renovables, que na actualidade representan preto do 18%, poderían elevar esa posición. O obxectivo estatal de renovables aínda non está establecido, nin tampouco está claro como vai funcionar o mercado ETS de dereitos de emisión.

Tampouco hai unha aprobación por parte do congreso e o parlamento do reparticións dos sectores difusos (emisións procedentes de transporte, residencias, xestión de residuos, agriculturas, industria, etc.). Estas cuestións dilucidaranse na primavera de 2017.

Con la financiación de/ Co financiamento de:
DI-0015/2009, AD-0002/2011, DI-0001/2011, DI-0001/2012, DI-0001/2013, DI-0001/2014, DI-0001/2015. Os contidos publicados son responsabilidade exclusiva do Gabinete Técnico Confederal de Saúde Laboral da Confederación Intersindical Galega e non reflicte necesariamente a opinión da Fundación para a prevención de riscos laborais