Portada
Gabinete
Recursos técnicos
Igualdade
Denuncias
Enlaces de Interese
Contacto
xulgado 2
17/8/2016 SENTENZA
A Sección Primeira da Audiencia Provincial de Donostia -San Sebastián-, condenou a un contratista a penas que suman dous anos e dez meses de prisión pola morte dun traballador, sen contrato nin seguro, que realizaba obras de mellora no patio do Colexio San Luís de La Salle de San Sebastián. Ademais, o empresario deberá abonar indemnizacións por un importe total de 209.529,5€.
Campos electromagnéticos
8/8/2016 CAMPOS ELECTROMAGNÉTICOS
O Consello de Ministros aprobou o Real Decreto 299/2016 sobre a protección da saúde e a seguridade dos traballadores contra os riscos relacionados coa exposición a campos electromagnéticos.
Ictus isquémico
5/8/2016 SAÚDE
O pasado 14 de outubro do ano 2015, a revista Neurology da Academia Americana de Neuroloxía, publicou un estudo no que se suxire a relación directa entre estrés laboral e ictus isquémico, maior canto máis estrés provoque o traballo. No mesmo menciónanse outros estudos que relacionan o estrés laboral coas enfermidades do corazón.
Tempo de traballo
26/7/2016 Psicosocial
A web de emprego InfoJobs levou a cabo unha análise sobre aplicación dos horarios europeos no mercado laboral no Estado español, que revela que o 58% das compañías españolas que non están a aplicar o horario laboral europeo están a favor de adaptarse a este modelo, mentres que o 83% dos traballadores non suxeitos ao horario laboral europeo desexaría telo. O portavoz de InfoJobs, asegura que existe a "vontade empresarial" para adaptarse a este modelo, xa que, ademais, xera unha "maior satisfacción, maior felicidade e, por tanto, maior produción" nos traballadores/as.
Sentenza
19/7/2016 Sentenza
No mes de febreiro entraron en vigor no Reino Unido novas directrices para os xuíces, referidas ás sentenzas que teñen que ver con temas de saúde e seguridade. A partires de agora os xuíces (no Reino Unido non hai sancións administrativas), deberán estabelecer as multas non só en función do dano real ou potencial causado, senón tamén tendo en conta a capacidade económica da empresa, algo que antes se facía nalgúns casos de motu propio, pero que agora pasa a ser obrigatorio. Polo momento o resultado está a ser un aluvión de importantes sancións para as grandes empresas.
Correo electrónico estrés
18/7/2016 Psicosocial
A atención das mensaxes de correo, chamadas telefónicas ou calquera outro tipo de interrupción que nos aparta da execución das tarefas, ten un custe en tempo que excede do que é o propio da atención; existen diversos estudos que indican que para volver á tarefa inicial, logo dunha interrupción, debemos empregar valiosos recursos cognitivos para reorientar as respostas e acadar o grao de concentración que tiñamos no momento da parada. As continuas interrupcións que se realizan para atender correo electrónico, chamadas telefónicas ou calquera outro requerimento externo á tarefa (ladróns de tempo) provocan no traballador/a unha sensación de perda de tempo, pois ve como se reduce a súa produtividade, de cansanzo e de letargo.
energía eólica
15/7/2016 Hixiene
Nas últimas semanas a exposición a substancias químicas perigosas no traballo está a ser noticia en Dinamarca. A lo menos 150 traballadores/as enfermaron de gravidade debido á exposición laboral a resinas epoxi e isocianatos en dúas das principais empresas fabricantes de turbinas eólicas, Siemens e Vestas. Os traballadores afectados desenvolveron asma e alerxias nun grao tal que as lesións orixinadas deron lugar a unha indemnización de conformidade coa Lei de Compensación dos Traballadores. O caso está a xerar moita atención nos medios de comunicación, pois os daneses consideraban que as empresas tiñan baixo control os problemas con produtos químicos no lugar de traballo.
Sentenza
5/7/2016 Sentenza
Un Xulgado de Granada condea ao Servizo Andaluz de Saúde, SAS, a recoñecer a un médico de familia a incapacidade permanente absoluta causada polo infarto sufrido logo da ansiedade xerada por problemas tecnolóxicos no seu computador. No fallo sublíñase que o infarto agudo de miocardio sufrido polo médico debe considerarse accidente de traballo porque "os seus síntomas empezaron a manifestarse no seu centro de traballo e en horario laboral".
estetoscopio
30/6/2016 Psicosocial
Nun editorial publicado na edición de maio da revista Journal of Occupational and Environmental Medicine, científicos da Universidade de California, indican que os baixos salarios deben ser recoñecidos como unha verdadeira ameaza para a saúde no traballo: "os traballadores que gañan salarios baixos poden estar en maior risco de enfermidades e lesións que os traballadores que gañan salarios altos" Así, os baixos salarios deben considerarse como riscos psicosociais derivados da actividade profesional, igual que as longas horas de traballo e alta tensión laboral.
Médica
17/6/2016 saude laboral
Segundo datos presentados polo Concello de Barcelona, a Unidade de Saúde Laboral da Axencia de Saúde Pública de Barcelona rexistrou 531 trastornos de saúde relacionados co traballo nun ano, un 14% máis que no 2014, ano no que foron rexistradon 465. Estos trastornos son notificados nos Centros de Atención Primaria (CAP) e exclúen ás lesións por accidente de traballo e as enfermidades profesionais, que xa se recollen noutros rexistros. Entre os trastornos máis frecuentes están a ansiedade e a depresión, seguidas de problemas musculares ou esqueléticos vinculados a posturas forzadas e repetitivas.
Disruptores endocrinos
14/6/2016 Hixiene
23 científicos de Europa, EE.UU e Xapón, xunto a catro observadores da Comisión Europea, a Autoridade Europea de Seguridade Alimentaria (AESA) e da Axencia Europea de Sustancias Químicas (ECHA) participaron nunha conferencia de expertos organizada polo Instituto Federal alemán de Avaliación de Riscos; como un dos resultados da conferencia está un documento que lista os criterios para identificar os perigos potenciais de sustancias nocivas para o sistema endocrino.
Sentenza
13/6/2016 Xurisprudencia
O tema que se resolve neste recurso de casación para a unificación de doutrina, consiste en determinar se debe recoñecerse ou non unha indemnización de danos e prexuízos por unha enfermidade profesional causante dunha incapacidade permanente absoluta e do posterior falecemento dun traballador. Na demanda presentada o día 11 de xullo de 2013 o traballador pediu unha indemnización por danos e prexuízos, derivados da súa enfermidade profesional, por un importe global de 445.767,28 euros. Tras o falecemento do traballador, en novembro de 2014 con 54 anos de idade, as sucesoras do mesmo, interpuxeron o presente recurso de casación unificadora contra a sentenza de suplicación do T.S.J. de Asturias do 31 de outubro de 2014 que confirmara a desestimación da demanda, ao considerar que, pese ao contacto do traballador co amianto, non estaba suficientemente probado que a exposición ao amianto por falta de medidas de seguridade fose a causa do cancro de pulmón que lle ocasionaba a incapacidade permanente absoluta.
enfermidade profesional
8/6/2016 SAÚDE LABORAL
Os resultados establecen áreas de mellora e recomendacións para incrementar o desenvolvemento dos beneficios relacionados coa saúde, mellorar a medición do impacto e do retorno do investimento das iniciativas que as organizacións realizan na saúde dos seus empregados.
Tribunal Supremo
6/6/2016 TRIBUNAL SUPREMO
O Tribunal Supremo conclúe que a presunción de accidente de traballo non se exclúe porque se acreditou que o traballador padecese a enfermidade con anterioridade ou porque se presentaron síntomas antes de iniciarse o traballo, porque o que se valora a estes efectos non é a acción do traballo como causa da lesión cardíaca, o que se valora é a acción do traballo no marco do art. 115.2.f) LXSS, como factor desencadenante dunha crise, que é a que leva á situación de necesidade protexida.
Bisfenol A
1/6/2016 Saúde
O bisfenol A, ou BFA, composto orgánico presente en plásticos, está considerado un perturbador endocrino; a súa presenza en biberóns foi prohibida hai 5 anos en toda a Unión Europea; nalgúns países, como Francia, incluso se prohibiu o seu uso no material illante dos envases alimentarios, medida que atopou resistencia nos tribunais. Con todo, a Autoridade Europea de Seguridade Alimentaria, EFSA, decidiu o ano pasado que a exposición ao bisfenol non representaba un risco para a saúde dos consumidores, o que orixinou críticas severas por parte da comunidade científica e algúns partidos políticos.
Sentenza
24/5/2016 Saúde laboral
No Reino Unido non existen sancións administrativas por infraccións de seguridade e saúde. Son os tribunais os que estabelecen as sancións que estiman oportunas atendendo á lei que se vulnera en cada caso. A partir do 1 de febreiro de 2016, entraron en vigor unhas novas directrices a aplicar nas sentenzas relativas a delitos de seguridade e saúde. Segundo estas directrices, na sentenza terase en consideración en primeiro lugar a gravidade do dano (real ou potencial) e a probabilidade de dano (que se divide nunha serie niveis dentro de cada categoría). A continuación terase en conta o volume de negocios da empresa, o que permitirá estabelecer multas dunha cuantía o suficientemente importante para que invite á reflexión aos directivos e accionistas da empresa.
Sentenza
3/5/2016 Sentenza
O Tribunal Superior de Xustiza (TSJ) de Madrid responsabilizou a unha mutua de accidentes de traballo e enfermidades profesionais por "perda de oportunidade" motivada do erro de diagnóstico que sufriu unha traballadora. A sentenza considera probado que a mutua considerou que as dores nas costas que padecía, consecuencia dunha caída, eran froito da lumbalxia que padecía desde facía 15 anos.
Sinistralidade AUMENTO
29/4/2016 Sinistralidade
Segundo un informe realizado por Randstad con motivo do Día Mundial da Seguridade e a Saúde No Traballo, no que se analizan os datos publicados polo Ministerio de Emprego e Seguridade Social na última década (de 2006 a 2015), por sectores e comunidades autónomas, no último ano producíronse 449.223 accidentes laborais, o que supón un incremento do 5.8% respecto á cifra rexistrada en 2015.
Chernóbil
27/4/2016 Saúde
O día 26 de abril cumpríronse 30 anos do maior accidente nuclear da historia: un cúmulo de erros (construtivos por un lado e de seguimento de protocolos de actuación nun simulacro de emerxencia por outro) desencadearon a explosión do reactor número 4. Aínda que a cifra oficial de mortos quedou en 31, foron moitas máis as vítimas mortais nos días, semanas e anos posteriores ao accidente, ás que hai que sumar os máis de 100.000 desprazados/as pola evacuación dunha zona de 30 quilómetros na fronteira entre Ucraína e Bielorrusia.
OIT
22/4/2016 OIT
Dentro da Semana da Seguridade e a Saúde no Traballo que organiza a Federación Rusa, Alice Ouédraogo, Directora do Mundo do Traballo (ILOAIDS) e do Servizo de VIH/sida da OIT, lembrou que "cada 15 segundos falece no mundo unha persoa a causa de accidente ou enfermidades relacionadas co seu traballo", e que "a mellor maneira de garantir un medio ambiente de traballo seguro e saudable é adoptar medidas antes de que ocorran os accidentes ou xurdan enfermidades".
Fallo  xudicial
18/4/2016 SENTENZA
O Xulgado do Social 10 das Palmas estimou a demanda dunha matrona de 40 anos contra o Instituto Nacional da Seguridade Social (INSS) e recoñécelle a incapacidade permanente total por presentar o “síndrome de burnout” (síndrome de “estar queimado”).
Mellor control dos nanomateriais
18/4/2016 Hixiene
A Axencia de Protección do Medio Ambiente de Dinamarca publicou un informe titulado "Mellor control dos nanomateriales" no que se recollen resultados dun traballo sobre nanomateriais e a súa seguridade realizado ao longo de catro anos, entre 2012 e 2015. Este iniciativa foi orientada a proporcionar unha visión xeral dos posibles riscos que conlevan as nanopartículas e os nanomateriales.
gLIFOSATO 1
15/4/2016 Saúde
Na sesión plenaria do día 13 de abril, o Parlamento Europeo aprobou unha Resolución sobre o proxecto de Regulamento de Execución da Comisión polo que se renova a aprobación da substancia activa glifosato. Nesta resolución o Parlamento, facéndose eco da inquietude sobre os efectos carcinogénicos e de alteración endocrina atribuídos ao glifosato, considera que a Comisión Europea debe renovar a autorización de comercialización na UE só por sete anos, en lugar dos quince propostos, e exclusivamente para uso profesional.
previsel 2016
8/4/2016 13 e 14 de abril de 2016
Os vindeiros días 13 e 14 de abril, terá lugar en Ourense a undécima edición do Salón da Prevención e a Seguridade Laboral, PREVISEL. A CIG estará presente a través do expositor para o intercambio de información e o contacto co público asistente e na organización da Xornada Técnica: "20 anos da LPRL. Onde estamos e para onde imos?".
Portada Estudo sobre a incidencia da xornada de traballo na seguridade Laboral e nos Riscos Psicosociais
8/4/2016 Psicosocial
Segundo datos da Oficina Estatistica da Unión Europea, Eurostat, referidos a hábitos horarios da nosa contorna, os españois descansamos menos, traballamos máis horas (cunha produtividade menor) e convivimos con horarios laborais e sociais que dificultan a tan ansiada conciliación entre vida laboral, familiar e social. Así mentras no Estado español vemos o programa da televisión líder en audiencia, os alemáns ou os italianos están xa descansando; na práctica, un retraso medio de dúas horas que afecta a la organización diaria de todos os ámbitos da nosa vida: traballo, familia e ocio.
gLIFOSATO 1
7/4/2016 Saúde
A división de opinións existente entre os Estados membros da UE motivou que o pasado día 8 de marzo se aprazase a votación que tiña como finalidade renovar a autorización para a comercialización do glifosato por un período de 15 anos. O glifosato é o herbicida máis usado no mundo; o seu uso está íntimamente ligado aos cultivos modificados xenéticamente, sobre todo soia, algodón e millo.
Tribunal Supremo curta
6/4/2016 XURISPRUDENCIA
O Tribunal Supremo ratifica a Sentenza da Audiencia Naciónal de maio de 2014, na que condenaba a Caixabank a realizar correctamente a identificación de riscos psicosociais e, unha vez foran identificados, a adoptar as medidas correctoras e eliminadoras dos mesmos, incluídos cambios organizativos, comerciais e medidas preventivas.
Fukushima
1/4/2016 SAÚDE
Logo do desastre natural que causou o accidente nuclear na central de Fukushima foron evacuadas unhas 160.000 persoas que vivían nun radio de 20 quilómetros. A gran maioría aínda segue lonxe dos territorios contaminados. Pouco a pouco o goberno levanta a prohibición de poboar zonas próximas ao accidente; poucas son as familias que regresan: segundo un estudo da Axencia xaponesa para a reconstrución, menos dun 20% dos desprazados queren volver e moitos xa refixeron a súa vida noutros lugares.
Fallo  xudicial
18/3/2016 SENTENZA
A titular do Xulgado do Penal de Palencia condenou ao administrador da empresa Soluciones de Enxeñería Industrial, a unha pena de 16 meses de prisión como autor dun delito contra a vida e a saúde dos traballadores en concurso ideal cun delito de lesións, como consecuencia dun accidente laboral ocorrido durante a instalación dunha planta solar fotovoltaica.
O ordenador, o mellor aliado da fatiga visual
18/3/2016 SAÚDE LABORAL
Segundo expuxo un estudo realizado por expertos da Universidade Complutense de Madrid -UCM- sobre unha mostra de 26 persoas con idades comprendidas entre os 21 e os 50 anos, pasar máis dunha hora mirando unha pantalla provoca fatiga visual, fotofobia, pesadez ocular, dificultade de enfoque e borrosidade na visión de preto.
Con la financiación de/ Co financiamento de:
DI-0015/2009, AD-0002/2011, DI-0001/2011, DI-0001/2012, DI-0001/2013, DI-0001/2014, DI-0001/2015. Os contidos publicados son responsabilidade exclusiva do Gabinete Técnico Confederal de Saúde Laboral da Confederación Intersindical Galega e non reflicte necesariamente a opinión da Fundación para a prevención de riscos laborais