Este portal permite acceder de forma rápida a unha ampla información actualizada sobre o risco biolóxico no traballo. A información atópase estruturada en distintos apartados como:

• -Fichas dos axentes biolóxicos: recolle as fichas de seguridade dos axentes biolóxicos elaboradas polo INSHT. Cada ficha contén información das características do axente biolóxico en relación coa prevención de riscos laborais.
• - Sectores laborais: indica as principais actividades onde se produce ou se pode producir exposición a axentes biolóxicos. Para cada actividade recóllense distintos documentos en relación co tema (NTP, Manuais e guías, artigos, pósteres.)
• - Avaliación e prevención: este apartado recolle diversos documentos en relación coa metodoloxía de avaliación, os métodos de mostraxe, os criterios de valoración, as obrigas do empresario (notificación á autoridade laboral) e as medidas de prevención e de control do risco biolóxico.
• - Vixilancia da saúde: documentos sobre a vixilancia da saúde específica en relación co risco biolóxico, así como información sobre a vacinación no ámbito laboral.
• - Lexislación/Normativa técnica: lexislación e normativa actualizada en relación coa prevención do risco biolóxico, tanto do ámbito da seguridade e saúde, como doutros ámbitos (medioambiente, sanidade, etc.), que pode ser de utilidade para a prevención e control do risco biolóxico.
• - Formación/Divulgación/Asesoramento: cursos, seminarios, xornadas e congresos, organizados polo INSHT ou outro Organismo. Tamén pode realizar consultas.

Ligazón ao portal de riscos biolóxicos do INSHT