Métodos de toma de mostras e análise. Novidades.15-03-2016 - INSHTO INSHT ven de engadir á colección de Métodos de toma de mostras e análise dúas novas ferramentas. A colección está composta por métodos seleccionados polo seu interese e aplicabilidade no campo da Hixiene Industrial, desenvolvidos tendo en consideración a normativa vixente co fin de obter medicións que poidan ser comparables cos valores límite de exposición profesional. |
---|
A colección de Métodos de toma de mostras e análise está dividida en cinco apartados:
-Criterios e recomendacións (CR)
-Métodos ambientais (MA)
-Métodos biolóxicos (MB)
-Produtos industriais (PI)
-Protocolos de validación (PV)
Ligazóns aos novos métodos introducidos:
MTA/MA-061/A14: Determinación de hidrocarburos aromáticos (Tolueno, Etilbenceno, m-Xileno e Estireno) en aire - Método de captación con muestreadores por difusión - Desorción térmica / Cromatografía de gases. Este método describe o procedemento para a determinación das concentracións de hidrocarburos aromáticos presentes no aire dos lugares de traballo, mediante a captación nun muestreador por difusión contendo tenax TA e análise por cromatografía de gases. O método permite a determinación de concentracións de tolueno, etilbenceno, m-xileno e estireno nun intervalo de concentracións que corresponden á décima parte e ao dobre do valor límite de exposición diaria (VLA-ED) para un tempo de mostraxe de 4 horas.
MTA/MA-063/A14: Determinación de cromo Hexavalente en aire (fracción inhalable) Método de captación en filtro. Cromatografía iónica. Este método describe o procedemento para a determinación da concentración de cromo hexavalente (Cr VI) nos ambientes dos lugares de traballo, mediante a súa captación nun filtro de mostraxe e posterior análise por cromatografía iónica con detector de ultravioleta-visible. O método permite a determinación de cromo (VI) procedente de especies solubles e/ou insolubles nun intervalo de concentración comprendido entre a décima parte e o dobre do valor límite de exposición diaria (VLA-ED), para un volume de aire muestreado de 500 litros.
Ligazón á colección