Financiado por:
/ Portada / PRL Sectorial

O sector do ensino ten os riscos psicosociais e as enfermidades da voz como as causas principais de baixa laboral

23-11-2015 - SAÚDE LABORAL

Riscos psicosociais como a sobrecarga de traballo, as demandas relacionais dos alumnos, dos compañeiros de traballo e das familias dos alumnos, a falta de apoio social e de recoñecemento á súa laboura docente, son as principais causas da aparición de estrés, do síndrome bournout e de estados de ansiedade que, rematan por constituir un dos principais problemas de saúde laboral do sector do ensino.

Na realidade do mundo laboral existe unha elevada porcentaxe de baixas producidas por estrés, que se están a declarar como enfermidade común, co consecuente prexuízo para o traballador e para a sociedade no seu conxunto que está a asumir os custos destas patoloxías a través da Seguridade Social en lugar de facelo a través das Mutuas, como corresponde no caso dunha enfermidade de orixe laboral.

Segundo a Enquisa Nacional de Xestión de Riscos Laborais nas empresas (INSHT 2014), os conflitos con clientes, alumnos e pacientes é o factor de risco máis común no sector educación, sanidade e traballo social (75%).

Os factores de risco psicosocial din as empresas que son os máis difíciles de xestionar e de feito estes factores son os que menos se contemplan nas avaliacións de risco, 55%, fronte aos riscos habituais que se están avaliando nun 79% dos casos no do sector do ensino.

Confederación Intersindical Galega - Miguel Ferro Caaveiro 10, Santiago de Compostela Versión anterior da páxina Foros Biblioteca RSS