Financiado por:
/ Portada / PRL Sectorial

O ictus sufrido por unha traballadora no seu día libre considerado accidente laboral

21-06-2018 - Sentenza

A sentenza, emitida polo Tribunal Superior de Xustiza de Andalucía recoñece como accidente laboral o ictus sufrido por unha empregada de fogar no seu día de descanso. A sentenza considera determinante o feito de que a traballadora vivía no mesmo domicilio que a parella de anciáns que coidaba, non existindo separación entre o seu lugar de residencia e o seu lugar de traballo.

Así mesmo a sentenza indica que é preciso engadir as características do traballo que se realiza, pois aínda que a empregada se atope nos seus períodos de descanso, está suxeita "a unha permanente dispoñibilidade, dependendo das continxencias as veces imprevisibles que poidan xurdir". O Tribunal considera que carece de todo sentido imaxinar que estando no domicilio a coidadora deixara de procurar as atencións e coidados  que precisaran os anciáns aos que asistía "polo mero feito de ser domingo".

Se considera este suposto "plenamente extrapolable" cun caso no que se avaliaba a caída sufrida por un mariñeiro mentras vía unha película no buque en tempo de descanso. Neste litixio, que chegou ao Tribunal Supremo, o accidente foi declarado como laboral.

Nos dous casos se presenta a distinción entre o tempo de traballo e a xornada efectiva de traballo. O segundo concepto presenta limitación, pero o tempo de traballo preséntase como ilimitado "ao existir a posibilidade de que en calquera momento teña que ser prestada a efectiva actividade laboral".

A resolución conclúe que o ictus padecido pola traballadora produciuse en lugar e tempo de traballo ou, como mínimo, nunhas condicións que gardan íntima conexión co traballo, polo que se considera accidente de traballo.

Confederación Intersindical Galega - Miguel Ferro Caaveiro 10, Santiago de Compostela Versión anterior da páxina Foros Biblioteca RSS