Financiado por:
/ Portada / PRL Sectorial

O fume tóxico dos incendios

15-06-2015 - Hixiene

Os fumes producidos nos incendios son os responsables de máis da metade das lesións e mortes que se producen nos incendios. Os riscos para a saúde teñen crecido nos últimos tempos debido ao incremento no uso de materiais construtivos que ao queimarse producen fumes canceríxenos. Os bombeiros están constantemente expostos na súa vida profesional a estos fumes, que en moitos casos son canceríxenos.

O Instituto Nacional para a Seguridade e Saúde Ocupacional norteamericano principiou no ano 2010 un estudo multianual co fin de investigar os efectos dos fumes de combustión nos bombeiros, con intención de comprobar se tiñan un maior risco de padecer cancro ou outros tipos de enfermidades debido a súa exposición laboral.

A mostra tivo en conta a unha poboación de 30.000 bombeiros que estiveron en activo entre o ano 1950 e o 2010, considerando obxeto de estudo as mortes por cancro e os diagnósticos de certos tipos de tumores, como os de testículo e próstata.

Na primeira fase do estudo, se procedeu a comparar os falecementos e diagnósticos de cancro entre o colectivo de bombeiros obxeto de estudo e a poboación en xeral, atopando un pequeno incremento entre os bombeiros para certos tipos de cancro: de pulmón e leucemia. Estos resultados coincidiron cos obtidos noutro estudo realizado case simultáneamente nos países nórdicos; neste último caso tivose en consideración unha mostra de 16.422 bombeiros para realizar a investigación.

Queda pendente unha segunda fase deste traballo, no que se compararán os efectos sobre a saúde dos bombeiros máis expostos cos dos menos expostos.

Nos EEUU, Canadá e Australia o cancro contraído polos bombeiros está considerado como enfermidade profesional; non é así na Unión Europea.

Os resultados da primeira fase do estudo do INstituto Nacional para a Seguridade Ocupacional norteamericano foron publicados recentemente e están dispoñibles na ligazón

O estudo nórdico pode verse a través da ligazón

Confederación Intersindical Galega - Miguel Ferro Caaveiro 10, Santiago de Compostela Versión anterior da páxina Foros Biblioteca RSS