Financiado por:
/ Portada / PRL Sectorial

A lexislación francesa non permite contestar correos electrónicos fora do horario laboral

10-09-2015 - Psicosocial

Un acordo entre os grandes sindicatos e dúas patronais do sector de asesoría técnica, inxeñería, servizos informáticos, recursos humanos e consultoría permitiu modificar a lexislación co fin de tentar poñer fin ás xornadas interminables dos traballadores/as deste sector. Así, segundo esta nova normativa, os traballadores/as non terán que respostar correos de traballo logo das seis da tarde, hora de remate da xornada laboral.

A chegada dos smartphones ao entorno laboral supuxo un cambio positivo en moitos aspectos, pero tamén permitiu que traballadores/as estén sempre "localizables" así como a "intromisión" da vida laboral na vida privada, algo que as autoridades francesas queren evitar con esta medida.

Así, a lexislación prohibe contestar cando o correo chega despois do fin da xornada laboral. Esta normativa tenta resolver un uso indebido das novas tecnoloxías co fin de asegurar os tempos de descanso mínimos que marca a lexislación francesa; os traballadores deberán apagar o móbil e o computador do traballo durante once horas e, polo tanto, terán o dereito de ignorar os correos electrónicos de traballo que se envíen fora da xornada laboral; as empresas terán a obriga de asegurar o cumprimento desta medida.

Confederación Intersindical Galega - Miguel Ferro Caaveiro 10, Santiago de Compostela Versión anterior da páxina Foros Biblioteca RSS