As atmosferas explosivas son espazos onde poden formarse mesturas de aire con substancias inflamables, como gases, vapores, néboas ou pos combustibles que, ao entrar en contacto cunha fonte de ignición, poden provocar unha explosión. Este tipo de contornas son habituais en plantas petroquímicas, refinerías, tanques de almacenamento, ou industrias do gas e a enerxía.

Ata o de agora, as inspeccións neste tipo de zonas debían realizarse manualmente, con persoal exposto e con protocolos de seguridade extremadamente complexos. Con este dron é posible realizar inspeccións visuais, térmicas e estruturais de maneira remota, sen poñer en risco aos operarios e sen necesidade de deter a actividade da planta. O dron non só supón unha mellora operativa, senón unha transformación na forma de inspeccionar infraestruturas críticas, ofrecendo unha alternativa máis segura, precisa e eficiente.

O dron principal -Hyperion-, está deseñado para operar en contornas industriais esixentes, como aeroxeradores ou plantas enerxéticas, onde a fiabilidade e a seguridade son esenciais. O novo modelo ATEX (Atmosferas Explosivas) estende isto a petroquímica e almacenamento de gas, onde as mesturas explosivas antes obrigaban a protocolos manuais complexos. Proxectos europeos buscan engadir brazos robóticos para reparacións autónomas, optimizando o mantemento preditivo.

Fontes: Crónica vasca e spri.eus