Financiado por:
/ Portada / Delegados

Xornada intensiva todo o ano?

14-07-2014 - Comisión Nacional para a racionalización de horarios

Cada vez son máis as empresas que, chegadas estas datas, adoptan o chamado "horario de verán" ou xornada intensiva. Esa formulación achéganos, aínda que só sexa durante os meses estivais, aos horarios habituais dos países da Unión Europea. Dende o 15 de xuño nalgúns casos, ou dende o 1 de xullo para os máis rezagados, ás empresas éntralles un sufoco de europeidad e sentido común que as leva a adoptar este horario que distribúe a xornada laboral dun modo máis racional, eliminando a xornada de tarde a cambio de adiantar a hora de entrada e atrasar a da saída para ir comer.

Deste xeito rómpese coa pauta horaria que as empresas do Estado seguen durante o resto do ano, culpable entre outras cousas das interminables xornadas de traballo que prexudican sistematicamente as nosas horas de descanso e de lecer, para adoptar unha xornada continua que concentra a nosa actividade profesional nun período máis compacto e que deixa algo máis de espazo para a área persoal.


Esta pequena conquista na batalla da conciliación e duns usos horarios máis acordes cos nosos veciños europeos pódese ver ameazada pola grave crise económica que sufrimos. Esta situación podería levar ás empresas a engano, a resolver que o horario de verán queda suspendido ata que a situación se resolva, e que coa que está a caer o razoable é incrementar as horas de traballo e restrinxir as medidas de conciliación dos traballadores en aras da produtividade.


Considero que quen así razoen cometerán un grave erro. Hai datos que demostran que a xornada de verán non só non supón unha diminución de produtividade, senón que a incrementa, á vez que reduce os gastos, entre outros, os enerxéticos. Ademais, para min o máis importante é o capital humano, que sente máis atendido e, por iso, máis satisfeito.


Está demostrado que a motivación dos empregados é maior cando teñen esta clase de horarios. As medidas de conciliación sempre repercuten nunha mellora da produtividade. A fórmula é sinxela: os empregados satisfeitos renden máis aínda que o número de horas que pasan na oficina sexa menor. No Estado español faise necesario un cambio importante e urxente: pasar da cultura da presenza á da eficiencia buscando a excelencia.

É por iso que desde a Comisión Nacional levamos loitando desde hai xusto 11 anos para que os españois podamos gozar dunha vez por todas duns horarios máis racionais, máis europeos.

 

Ignacio Buqueras

Presidente da Comisión Nacional para a Racionalización dos Horarios no Estado español.

Fonte: zommnews.es

Empregamos cookies de terceiros para xenerar estatísticas da audiencia (GOOGLE ANALITICS), para o traductor de idiomas (GOOGLE), acollido a “Privacy Shield”.
Se continuas navegando estarás aceitando o seu emprego. Aceptar | Mais información
Confederación Intersindical Galega - Miguel Ferro Caaveiro 10, Santiago de Compostela Versión anterior da páxina Foros Biblioteca Privacidade RSS