Financiado por:
/ Portada / Delegados

Responsables dunha construtora condeados por accidente laboral

01-07-2015 - SENTENZA

O administrador dunha empresa e o arquitecto e coordinador de seguridade condenados a pagar unha multa de 2.730 euros por un delito contra os dereitos dos traballadores de imprudencia grave con resultado de lesións.

O accidente laboral produciuse o 3 de xaneiro de 2006, cando o traballador afectado, que estaba relizando tarefas de desencofrado, precipitouse da estrutura, que carecía de escaleiras laterais, polo que tiña que descender utilizando a estada. Os procesados, segundo destaca a xuíz na sentenza, "omitiron as máis elementais medidas de precaución esixibles de acordo cos seus coñecementos técnicos e funcións co fin de salvagardar a vida e integridade física dos traballadores, cousa que non fixeron debidamente, posto que non procuraron as medidas de seguridade esixidas legalmente para evitar os riscos de realizar o seu traballo na estada onde se produciu o accidente".

A xuíz de Penal 4 tivo en conta os atenuantes de dilacións indebidas e de reparación do dano.  O traballador sufriu numerosas lesións das que tardou en curar 345 días. Como secuelas quedáronlle parálise do madeiro do nervio facial dereito, perda auditiva do 95% do oído dereito, acúfenos no oído dereito, perda de agudeza visual no ollo dereito e ombro dereito doloroso, entre outras lesións graves. A vítima non emprendeu ningunha das accións legais ás que tería dereito, pois foi indemnizada polas compañías aseguradoras da empresa para a que traballaba.

Empregamos cookies de terceiros para xenerar estatísticas da audiencia (GOOGLE ANALITICS), para o traductor de idiomas (GOOGLE), acollido a “Privacy Shield”.
Se continuas navegando estarás aceitando o seu emprego. Aceptar | Mais información
Confederación Intersindical Galega - Miguel Ferro Caaveiro 10, Santiago de Compostela Versión anterior da páxina Foros Biblioteca Privacidade RSS