Financiado por:
/ Portada / Delegados

Responsabilidade solidaria da empresa titular e transportista

29-07-2013 - ACCIDENTE LABORAL

O traballador perdeu o equilibrio e caeu ao chan dende uns 3,5 metros de altura, as secuelas do accidente producíronlle incapacidade permanente total por accidente de traballo. O xuíz condenou á empresa titular do centro de traballo e á empresa contratista como responsables solidarias do devandito accidente.

O 18 de xuño de 2008 o traballador da empresa Honorio Vega SL acudiu ao centro de traballo da empresa Metalúrxicas Garcimor SL co fin de recoller determinada carga de ferralla e transportala nun camión de Honorio Vega SL a unha localidade de Castelló. Na prestación do servizo de transporte por parte de traballadores dependentes de Honorio Vega SL, persoal de Metalúrxicas Garcimor SL cargaba o material a transportar na caixa do camión pertencente a Honorio Vega SL.

Os camións contaban cunha plataforma instalada na parte traseira da caixa, dotada de varanda, dende a que o condutor, colocado á altura do bordo superior traseiro da caixa, accionando unha manivela volteaba o dispositivo de recollida do toldo, de maneira que se despregaba e estendía ao longo da caixa e cubría a carga evitando desprendementos durante o transporte. Ese procedemento de toldado non resultaba posible cando a carga superaba a altura da caixa do camión, supostos nos que o traballador por conta de Honorio Vega SL se vía obrigado a subir á caixa e desprazarse por enriba da carga, para correr a man e tensar axeitadamente o toldo, sorteando os enganches coa carga.

O 18 de xuño de 2008 un traballador, unha vez cargada a caixa do camión viuse na necesidade de subir e colocarse sobre a carga para estender o toldo, dado que as pezas sobresaían da altura da caixa do camión e estaban incorrectamente distribuídas. Nesa situación o traballador perdeu o equilibrio e caeu ao chan dende uns 3,5 metros de altura, as secuelas do accidente producíronlle incapacidade permanente total por accidente de traballo. O xuíz condenou á empresa titular do centro de traballo e á empresa contratista como responsables solidarias do devandito accidente.

Fronte á sentenza de instancia que estima en parte a demanda do actor en reclamación de danos e prexuízos derivados de accidente de traballo, interpoñen recurso a representación letrada da Entidade Aseguradora Allianz, S.A. e a da empresa codemandada Honorio Vega.

Engade o recurso que a empresa non lle obrigaba a subirse ao camión para poñer o toldo de forma inadecuada pois se a carga estaba mal habería de ser a empresa cargadora a que realizase as correccións necesarias para que a carga estivese ben e en todo caso dotar ao traballador dos medios seguros para facelo como é a colocación de pasarelas ou arnés de seguridade e doutro lado que a vixilancia que pode exercer a empresa se ve claramente limitada neste caso xa que a carga se realiza nun centro de traballo situado a centos de quilómetros das instalacións de Honorio Vega.

Finalmente consta no relato fáctico que na avaliación de riscos laborais de Honorio Vega, S.L., figura a caída a distinto nivel, como un dos riscos previstos no posto de traballo de condutor cando houbese que subir á caixa do camión e a prevención estimada pasaba por estudar a posibilidade de colocar algún medio para evitar a caída, habilitar un posto de ancoraxe fixo e seguro para ancorar o mosquetón de seguridade con corda de menos de 1 cm de lonxitude e arnés e que se ben entre ambas as dúas empresas se cruzaron documentos relativos á prevención de riscos laborais, Honorio Vega, S.L. non solicitou á empresa principal as regras de seguridade nin se informara das medidas que aplicaba Garcimor, S.L.

Conclúese con que o accidente é tanto froito do incumprimento da empresa principal da súa obriga de proporcionar medios preventivos tamén desta última (empregadora do actor) que soubo do risco e o consentiu posto que era coñecedora das condicións en que se vía obrigado aquel a colocar o toldo.

 

Fonte: http://portaljuridico.lexnova.es

Empregamos cookies de terceiros para xenerar estatísticas da audiencia (GOOGLE ANALITICS), para o traductor de idiomas (GOOGLE), acollido a “Privacy Shield”.
Se continuas navegando estarás aceitando o seu emprego. Aceptar | Mais información
Confederación Intersindical Galega - Miguel Ferro Caaveiro 10, Santiago de Compostela Versión anterior da páxina Foros Biblioteca Privacidade RSS