Primeiro Francia, e agora é California a que se suma e etiqueta de canceríxeno ao herbicida máis utilizado no Estado23-10-2015 - SAÚDEA ministra de Ecoloxía de Francia anunciou en xuño que prohibiría a venda do glifosato, comercializado como Roundup, tras as evidencias dos seus efectos canceríxenos. Agora é o estado de California o que etiqueta o glifosato como produto canceríxeno. No Estado, onde é o herbicida máis vendido e utilizado, o Ministerio de Agricultura non se pronuncia e dende 2009 favorece a súa utilización en cultivos en todo o territorio nacional. |
---|
Unha vez que a OEHHA -Oficina de Avaliación de Riscos de Saúde Ambiental de California- presentou a súa notificación alertando do perigo deste produto, os interesados poden alegar ata o próximo 5 de outubro.
A decisión de California para colocar ao glifosato na lista de sustancias químicas tóxicas é a primeira do seu tipo. O Dr. Nathan Donley do Centro para a Diversidade Biolóxica, comenta “Ata onde eu sei, esta é a primeira axencia reguladora dentro dos Estados Unidos para determinar que o glifosato é un carcinóxeno”.
En marzo pasado a IARC -Axencia Internacional para a Investigación sobre o Cancro- deu a coñecer un informe que asegura que o glifosato é un “probable carcinóxeno”. Ademais o herbicida pode causar cancro en animais de laboratorio. O informe tamén revela casos de exposición ocupacional nos Estados Unidos, Canadá e Suecia que informaron dun maior risco do linfoma no Hodgkin que persistiu despois dos axustes a outros pesticidas.
Menos dunha semana despois de que a OMS publicase o seu informe sobre a relación do glifosato co cancro, Monsanto pediu unha retractación e mantén que o Roundup é seguro cando se usa segundo as indicacións. O pasado xoves, un tribunal de apelacións en Lyon (Francia), confirmou unha sentenza de 2012 a favor dun agricultor que afirmou que se enveleñara e sufrira danos neurolóxicos despois de inhalar o herbicida comercializado co nome de Lasso, que inclúe o monoclorobenceno entre os seus compoñentes. Monsanto apelará esta decisión.