Financiado por:
/ Portada / Delegados

O 69 % dos accidentes de tráfico en Galiza prodúcense en día laboral e en horario de traballo

07-07-2014 - Seguridade

O 69 % dos accidentes de tráfico que se rexistraron en Galicia no 2013 producíronse en días laborables e entre as 7 e as 20 horas. É dicir, en horario de traballo. O dato achegouno o Delegado do Goberno na comunidade nunha xornada de seguridade viaria destinada a empresas que se celebrou en Santiago. Este dato amosa a relevancia que teñen os desprazamentos por motivos laborais na seguridade do tráfico rodado. Os últimos estudos publicados pola Dirección Xeral de Tráfico (DXT) revelan que no Estado español, no 2012, producíronse 471.223 accidentes laborais que carrexaron unha baixa, dos que o 11 % debéronse a sinistros de circulación.

A dimensión do problema acrecéntase se se ten en conta que, deses 471.223 accidentes laborais, 564 foron mortais e que, deles, o 39 % debéronse a sinistros ocorridos nas estradas do Estado español. Para o Delegado do Goberno, estes datos demostran a necesidade de mellorar a concienciación e a implicación da sociedade á hora de porse ao volante dun vehículo.


«Os accidentes de tráfico e as súas enormes consecuencias humanas, sociais e económicas constitúen unha cuestión de seguridade pública, un problema de saúde pública e un problema social», sinalou o Delegado do Goberno en Galiza durante a súa intervención nas xornadas de seguridade viaria para empresas celebradas en Santiago.


A xornada foi organizada pola DXT en Galiza coa colaboración con AENOR. Participaron responsables, xerentes e persoal de prevención de riscos laborais de empresas de toda a comunidade autónoma, aos que se lles expuxo o plan tipo de Seguridade Viaria da DXT e a norma mundial UNE-ISO 39001, ambalas dirixidas a reducir a sinistralidade viaria.

Fonte: lavozdegalicia.es

Empregamos cookies de terceiros para xenerar estatísticas da audiencia (GOOGLE ANALITICS), para o traductor de idiomas (GOOGLE), acollido a “Privacy Shield”.
Se continuas navegando estarás aceitando o seu emprego. Aceptar | Mais información
Confederación Intersindical Galega - Miguel Ferro Caaveiro 10, Santiago de Compostela Versión anterior da páxina Foros Biblioteca Privacidade RSS