Financiado por:
/ Portada / Delegados

No Estado morre unha persoa en accidente laboral de tráfico cada dous días

21-10-2015 - SEGURIDADE

Segundo un informe da Fundación Mapfre, elaborado con datos do INSHT, cada dous días morre un traballador en accidente de tráfico durante a súa xornada laboral. A metade do total de accidentes mortais de traballadores son de tráfico.

Os accidentes de tráfico relacionados co traballo provocan 181 falecidos ao ano, dos que 111 son in itínere,  o que representa máis do 20 por cento do total de accidentes con baixa laboral e o 33 por cento dos graves.

Os sinistros de tráfico no traballo están a reducirse cos anos, aínda que esta diminución é menor que a dos accidentes laborais en xeral. O perfil da maioría das vítimas dos accidentes laborais de tráfico é home, de entre 25 e 54 anos e que traballa no sector da construción, reflicte o estudo, que analiza a sinistralidade viaria entre 2003 e 2012.

Segundo progresa a semana, baixa a sinistralidade viaria laboral, sendo o luns o "máis conflitivo e máis accidentado", segundo o estudo, día que rexistra o 21,1 por cento deste tipo de accidentes.

En canto ao sexo, os homes sofren máis accidentes de tráfico traballando que as mulleres. Isto débese a que os sectores nos que se producen con máis frecuencia -transporte e distribución- son "habitualmente ocupados por eles".

Os que maior número de accidentes de tráfico teñen en horario laboral son os menores de 24 anos, pero é a partir dos 55 anos cando estes sinistros son máis graves.

En canto ao tipo de contrato, os temporais teñen máis accidentes deste tipo que os indefinidos, concretamente un 75 por cento máis no período analizado, sobre todo nos desprazamentos de casa ao traballo.

A directora da Dirección Xeral de Tráfico, María Seguín, destacou que o 2014 pechou "sen un empeoramento de sinistralidade viaria" e animou ás empresas para dar a coñecer os seus plans de seguridade viaria para que outras poidan levalos a cabo.

Empregamos cookies de terceiros para xenerar estatísticas da audiencia (GOOGLE ANALITICS), para o traductor de idiomas (GOOGLE), acollido a “Privacy Shield”.
Se continuas navegando estarás aceitando o seu emprego. Aceptar | Mais información
Confederación Intersindical Galega - Miguel Ferro Caaveiro 10, Santiago de Compostela Versión anterior da páxina Foros Biblioteca Privacidade RSS