Financiado por:
/ Portada / Delegados

Ictus considerado accidente laboral por estrés

09-07-2014 - Accidente laboral

O Tribunal Superior de Xustiza de Andalucía, deulle a razón a un home que sufriu un ictus cerebral con 35 anos fóra do horario laboral e confirmou que ese infarto, que lle provocou graves secuelas que lle impiden desenvolver calquera traballo, é accidente laboral. A sala do social deste Tribunal, rexeita o recurso que contra o fallo dun xulgado do social presentou a mutua de accidentes e confirma que se tratou dun accidente laboral. O fallo asegura que, nos días previos a ictus, o traballador «atopábase tenso, con mareos».

O Alto Tribunal admite que o empregado estaba sometido a «unha situación de tensión importante cun ritmo de traballo alto» e ademais de atoparse preocupado pola perspectiva dun ascenso xa que podía ser nomeado director comercial nun futuro próximo.


«Esta situación xerou no traballador unha tensión que pode ser definida como unha estratexia adaptativa do organismo que pon ao individuo en disposición de afrontar as situciones anómalas mediante modificacións neuroendocrinas que poden dar lugar a enfermidades patolóxicas, sen que poida descartarse que a tensión sexa causa directa do ictus». Ademais de lembrar que o traballador non sufría ningunha patoloxía, o avogado defensor explicou que a presión á que estaba sometido o traballador chegou ao punto de que o xefe lle mandaba numerosos correos electrónicos dándolle instrucións fóra da xornada laboral, incluso os fins de semana.


Fonte :preventionworld.com

Empregamos cookies de terceiros para xenerar estatísticas da audiencia (GOOGLE ANALITICS), para o traductor de idiomas (GOOGLE), acollido a “Privacy Shield”.
Se continuas navegando estarás aceitando o seu emprego. Aceptar | Mais información
Confederación Intersindical Galega - Miguel Ferro Caaveiro 10, Santiago de Compostela Versión anterior da páxina Foros Biblioteca Privacidade RSS