O certo é que mentras se está a teorizar sobre a saúde laboral, con propostas que por novidosas que parezan deberían estar xa implantadas, a realidade enfoca o tema de xeito ben distinto: a situación actual de crise non é en absoluto favorable a que existan avances en materia de seguridade e saúde laboral.

Seguimos a sufrir un número importante de accidentes laborais  e a falta de seguimento de moitos casos de enfermedade profesional que son tratados como enfermidade común. E por se fose pouco, a precarización do mercado laboral ten, entre outras consecuencias, que os traballadores e traballadoras non collan baixas por medo a ser despedidos, co conseguinte deterioro da súa saúde.

Así pois,  é preciso seguir librando a batalla da mellora das condicións de traballo para tódolos traballadores e traballadoras galegos.

Neste 28 de abril de 2011, dende o Gabinete Técnico Confederal de Saúde Laboral da CIG, seguiremos reivindicando aspectos básicos para a saúde dos traballadores e traballadoras como a “Historia clínico-laboral única” , implantación dos protocolos de detección de enfermedades profesionais na atención primaria ou o rexistro de tódalas enfermedades profesionais  por parte das mutuas a través do sistema CEPROSS.