Financiado por:
/ Portada / Delegados

Dan a razón á empresa no caso dun traballador que non tivo en conta as medidas preventivas estabelecidas

21-12-2016 - Sentenza

O Tribunal Supremo estima o recurso de casación presentado contra sentenza do Tribunal Superior de Xustiza de Castela e León polos feitos ocorridos en 2011 na localidade de Villalmanzo (Burgos) e que condenaba a unha empresa eléctrica e á compañía aseguradora a abonar unha indemnización a un traballador que sufriu un accidente laboral; na sentenza do Tribunal Supremo se indica que correspondía a este empregado tomar as medidas de seguridade axeitadas, que foran facilitadas pola compañía, para realizar o desmonte dun tendido eléctrico.

Segundo se indica na sentenza o empregado, que caeu dunha altura de dez metros mentras realizaba traballos relacionados coa desconexión do trenzado eléctrico, recibira formación sobre prevención de riscos que incluía o traballo en altura, tiña o coñecemento necesario para levar a cabo o seu labor e os medios axeitados que non empregou, realizando o ascenso por medio dunha escada que un compañeiro suxeitaba pola base.

Así, se indica que "acreditado que existía tanto a información necesaria achega do modo de levar a cabo a operación de desmonte como os medios adecuados para cumprir co plan, non existe razón para que a conduta dos dous traballadores non seguisen as prescricións indicadas e ademais prescindisen dos medios ao seu alcance polo que, non cabe establecer a relación causa-efecto", polo que se exime á empresa de responsabilidade no accidente ocorrido.

Empregamos cookies de terceiros para xenerar estatísticas da audiencia (GOOGLE ANALITICS), para o traductor de idiomas (GOOGLE), acollido a “Privacy Shield”.
Se continuas navegando estarás aceitando o seu emprego. Aceptar | Mais información
Confederación Intersindical Galega - Miguel Ferro Caaveiro 10, Santiago de Compostela Versión anterior da páxina Foros Biblioteca Privacidade RSS