Financiado por:
/ Portada / Delegados

Case dous anos de cárcere por un accidente laboral

03-10-2014 - ACCIDENTE LABORAL

A Fiscalía do Principado de Asturias solicita a condena a un ano e dez meses de prisión e o pagamento dunha multa de 6.000 euros para cada un dos tres acusados por un accidente laboral acontecido en 2010 nunha empresa dedicada á construción de estruturas metálicas.

Os feitos aconteceron cando un operario estaba a cargar vigas de metal superpostas -cada unha medía 3,5 metros de longo e pesaba 500 quilos- na caixa dun camión, coa axuda dunha ponte grúa. Cando este traballador xa colocara, nunha primeira carga, sete vigas que alcanzaban unha altura de 1,5 metros e se dispoñía a colocar a segunda carga, as da primeira movéronse, derrubáronse e atraparon o corpo do operario, na súa parte inferior.

A Fiscalía entende que o accidente se debeu a que o mantemento e a utilización do lugar de traballo, así como a maquinaria empregada, eran inadecuados no momento da carga do camión. Ademais, as vigas cargadas non estaban suxeitas nin estabilizadas, o que conduciu ao aparatoso accidente.

Os tres acusados son o xefe de taller, o administrador da empresa e o técnico de prevención; eran, segundo a acusación, coñecedores dos métodos empregados polos traballadores encargados do manexo de cargas.

O fiscal considera os feitos constitutivos dun delito contra a vida e saúde dos traballadores, ademais dun delito de lesións imprudentes, aínda que só xulgarase o primeiro deles.

Empregamos cookies de terceiros para xenerar estatísticas da audiencia (GOOGLE ANALITICS), para o traductor de idiomas (GOOGLE), acollido a “Privacy Shield”.
Se continuas navegando estarás aceitando o seu emprego. Aceptar | Mais información
Confederación Intersindical Galega - Miguel Ferro Caaveiro 10, Santiago de Compostela Versión anterior da páxina Foros Biblioteca Privacidade RSS