Financiado por:
/ Portada / Delegados

Cando as relacións de traballo son boas, hai menos estrés

22-10-2014 - PSICOSOCIAL

O estudo realizado polos profesores Astrid M. Richardsen e Stig Berge Matthiesen en BI Norwegian Business School, mide catro factores clave de estrés: as presións de tempo e carga de traballo, a tensión emocional, o conflito de roles no traballo (conflito de rol entre as esixencias da alta dirección e dos empregados) e o conflito de roles entre o traballo e a vida privada.

Máis de seis de cada directivos (61,8 por cento) indican que a miúdo ou todo o tempo senten unha gran presión temporal ou teñen un gran volume de traballo. Menos do cinco por cento din que raramente ou nunca teñen presión temporal.

Os directivos que senten que teñen o control da súa situación de traballo e unha gran liberdade para tomar decisións, experimentan menos presión de traballo e tensión emocional, e sofren moito menos estrés que os directivos que non teñen ese control. Os factores que máis contribúen á carga de traballo e ao estrés laboral dos xerentes son o grao de imprevisibilidade na empresa e a cantidade de cambios que se realizaron no curso do ano pasado.

Debe destacarse que os directivos experimentan significativamente menos estrés cando senten que teñen unha boa relación cos seus empregados, e os empregados mostran unha conduta positiva e confían nos seus xefes. "O mellor que un xerente pode facer para previr o estrés no traballo, é o desenvolvemento de boas relacións cos empregados no traballo" recomenda Astrid M. Richardsen.

Cando os empregados están contentos co directivo, entenden os seus retos e participan activamente na solución dos problemas, o directivo terá menos estrés, probablemente porque o directivo confía nos empregados e cada vez lles delega máis tarefas. De aí que a presión de traballo diminuirá, cre Richardsen.

Os directivos que sofren estrés relacionado co traballo, co tempo poden desenvolver reaccións individuais como a frustración, irritación e anoxo, menor auto-confianza e depresión. Esta á súa vez podería conducir a menor concentración, diminución da motivación e satisfacción no traballo, e un menor esforzo no traballo, coa conseguinte diminución do rendemento.

 

Fonte: Sciencenordic

Empregamos cookies de terceiros para xenerar estatísticas da audiencia (GOOGLE ANALITICS), para o traductor de idiomas (GOOGLE), acollido a “Privacy Shield”.
Se continuas navegando estarás aceitando o seu emprego. Aceptar | Mais información
Confederación Intersindical Galega - Miguel Ferro Caaveiro 10, Santiago de Compostela Versión anterior da páxina Foros Biblioteca Privacidade RSS