Entre os indicadores que se desprenden da Enquisa encóntranse:

• . A percepción e o coñecemento do traballador sobre o risco de accidentarse no seu traballo está presente en sete de cada dez traballadores.
• 
  
• . Entre os riscos existentes no seu posto de traballo, un de cada dez traballadores considera que está exposto a ruído.
• 
  
• . A maioría de traballadores enquisados considera que dispoñen de información sobre os riscos e medidas preventivas a adoptar fronte aos contaminantes químicos.
• 
  
• . En canto aos axentes biolóxicos, o 7% dos entrevistados manifesta estar exposto a estes contaminantes, sendo os traballadores das actividades sanitarias, veterinarias e servizos sociais os que teñen maior exposición a estes.
• 
  
• . Os requirimentos físicos das tarefas máis habituais, segundo a opinión dos traballadores, son: "repetir os mesmos movementos de mans ou brazos" (59%) e "adoptar posturas dolorosas e fatigantes" (36%). En conxunto, case oito de cada dez traballadores sinala "sentir algunha molestia que achaca a posturas e esforzos derivados do traballo que realiza". A frecuencia de queixas por molestias musculoesqueléticas é significativamente superior entre as mulleres.
• 
  
• . En canto aos riscos psicosociais, os traballadores son máis conscientes e coñecedores da súa existencia, e este dato reflíctese cando os enquisados manifestan ter "moito traballo e sentirse sufocado", "traballar moi rápido" ou deber de atender varias tarefas ao mesmo tempo" no seu posto de traballo. E tamén, no incremento da porcentaxe de enquisados que expresan estar implicado e motivados no seu traballo, como demostran os indicadores: "ter a oportunidade de facer aquilo que sabe facer mellor, poder poñer en práctica as súas propias ideas" e, en resumo "ter a sensación de facer un traballo útil" melloran substancialmente as súas porcentaxes.

Os resultados globais da enquisa mostran unha evolución dos riscos para a seguridade e a saúde dos traballadores similar á producida na maioría dos países europeos. Así, a percepción dos traballadores sobre os riscos a que están expostos apenas sofre cambios respecto aos riscos tradicionais tales como os de accidente, contaminación de orixe química, ou exposición a axentes físicos.

Polo que se refire aos esforzos preventivos levados a cabo nestes anos nas empresas españolas o balance é crecentemente satisfactorio. Máis proporción de traballadores dispoñen hoxe dun representante específico para facilitar a súa participación na mellora da seguridade e saúde no traballo, e as actividades preventivas como a vixilancia da saúde, a formación e información e a avaliación de riscos mostran unha crecente cotianidade nos centros de traballo.

En breve, publicaranse os resultados da Enquisa na páxina web do INSHT.

Fonte: INSHT