Financiado por:
/ Portada / Delegados

Acoso laboral en Europa

17-04-2015 - PSICOSOCIAL

O Observatorio Europeo de Vida Laboral, creado pola Fundación Europea para a Mellora das Condicións de Vida e Traballo, publicou un informe sobre as distintas formas de acoso na Unión Europea.

No informe indícase que mentras a violencia física tende a diminuír, outras formas de comportamento social adverso (adverse social behaviour ASB) non desaparecen. No ano 2010, o 14% dos/as traballadores/as da Unión manifestaron ter sufrido algún tipo de ASB.

Segundo o informe do Observatorio, os estados bálticos, os escandinavos, os do centro e oeste europeos atópanse por encima da media, sendo Austria, a República Checa e Finlandia os que amosan o índice máis elevado: o 20 % dos/as traballadores/as indican que sofren algunha forma de comportamento social adverso no traballo.

Por outra banda, nos estados do sur  de Europa e parte dos do este,  o número de  traballadores/as que manifestan sufrir algún tipo de ASB está por debaixo da media, con valores que se sitúan entre o 6% en Chipre ata o 12% en Croacia. No Estado español, onde o acoso laboral está tipificado como delito no artigo 173 do Código Penal, a porcentaxe é do 8%.

Ligazón ao informe de Eurofound

Empregamos cookies de terceiros para xenerar estatísticas da audiencia (GOOGLE ANALITICS), para o traductor de idiomas (GOOGLE), acollido a “Privacy Shield”.
Se continuas navegando estarás aceitando o seu emprego. Aceptar | Mais información
Confederación Intersindical Galega - Miguel Ferro Caaveiro 10, Santiago de Compostela Versión anterior da páxina Foros Biblioteca Privacidade RSS