A violencia no traballo aumenta o absentismo05-03-2014 - PSICOSOCIALSegundo un informe que acaba de publicar a Fundación Europea para a Mellora das Condicións de Vida e Traballo, aproximadamente o 6% dos traballadores europeos declaran ter sufrido algunha forma de violencia no traballo, xa sexa física ou psicolóxica, nos últimos 12 meses. |
---|
En xeral, os niveis de violencia psicolóxica son superiores aos de violencia física. Dos diversos tipos de violencia psicolóxica, intimidación (bullying) ou o acoso en xeral son máis frecuentes que o acoso sexual.
En xeral, a frecuencia é comparativamente maior en Francia e os países do Benelux, mentres que os niveis son menores nos países do sur e este de Europa. As variacións entre países da exposición poden reflectir diferentes niveis de concienciación sobre o tema e a vontade de informar, ademais da frecuencia real de casos.
As diferenzas entre os distintos sectores de actividade son importantes. A exposición a todo tipo de violencia tende a concentrarse nos sectores en contacto co público por enriba da media. O nivel de violencia física e psicolóxica é especialmente elevado nos sectores de saúde e asistencia social, así como na administración pública.
Tanto a violencia física coma a psicolóxica teñen graves consecuencias para a saúde e benestar dos traballadores. Os traballadores expostos a riscos psicosociais presentan niveis significativamente máis altos de problemas de saúde relacionados co traballo que os que non o son. Os síntomas máis comúns son o estrés, problemas de sono, fatiga e depresión.
A exposición á violencia psicolóxica correlaciónase con taxas de absentismo máis altas que a media. Aínda que o impacto da violencia psicolóxica é, pola súa natureza, máis acumulativo que o da violencia física, os seus efectos negativos para a saúde medidos en termos de absentismo parecen ser tan prexudiciais como os da violencia física.
As características do medio de traballo contribúen á incidencia da violencia no traballo. Por exemplo, os altos niveis da intensidade do traballo (prazos de entrega axustados, traballando a moi alto ritmo), un alto número de restricións (escasa autonomía) e traballar en contacto frecuente cos clientes; os clientes asócianse cunha maior probabilidade de que se presenten situacións de violencia.
Fonte: Eurofound