Financiado por:
/ Portada / Delegados

A alimentación e o estrés laboral

15-09-2016 - Saúde Laboral

Os hábitos alimentarios son fundamentais á hora de manter unha boa saúde. Os desequilibrios nutricionais provocados por ritmos de vida acelerados, exceso de traballo ou estrés laboral poden xerar cambios na inxesta de alimentos como comer de forma pouco saudable, compulsivamente, en exceso ou saltarse comidas; os desórdenes alimentarios afectan ao apetito en particular e a nosa saúde en xeral, desencadeando no organismo unha carga adiciónal de estrés, motivado pola falla de nutrientes esenciais (proteínas, carbohidratos, lípidos, vitaminas, minerais e auga)

A través da alimentación é posible axudar a regular o estrés, controlando a inxesta de alimentos e axustándoa a actividade laboral que realicemos.

Consellos a ter en conta nunha alimentación equilibrada:

- Saltarse algunha comida é un hábito que teñen moitas persoas cando están sometidas a situacións de estrés. Hai que ter en consideración que realizar todas as comidas do día é fundamental para interromper o círculo da tensión. As comidas deben planificarse función do horario laboral. É aconsellable realizar entre 4 e 5 comidas diarias, de forma que se repartan os nutrientes e a enerxía durante a xornada. É importante non chegar á mesa con fame excesiva para evitar comer compulsivamente.

- En situacións de estrés é habitual diminuir a cantidade de auga que inxerimos, provocando no organismo situacións de estrés que incrementan os niveis de cortisol (hormona que se libera en momentos de estrés para adaptar ao organismo ante a situación de ameaza)

- Consumo de café, té, bebídas enerxéticas e chocolate; conteñen sustancias estimulantes do sistema nervioso que consumidas con moderación axudan a combatir a fatiga e a somnolencia; en momentos de estrés adoitan consumirse de forma excesiva incrementando a presión arterial, o insomnio e a secreción de cortisol.

- Alimentos que incrementan os niveis de cortisol. A liberación constante desta hormona (como ocurre no caso de estrés laboral), estimula o apetito e os antollos de alimentos ricos en carbohidratos e graxas. Os azucres refinados, carbohidratos simples (azucre) e as graxas saturadas (frituras), incrementan os niveis de cortisol, xerando un círculo que se retroalimenta. Así, para manter o cortisol a raia, aconséllase consumir carbohidratos complexos ricos en fibra (pasta e arroz integral) no canto de carbohidratos refinados (pastelería) e alimentos ricos en graxas mono e poliinsaturadas (peixe azul; froitos secos como noces, améndoas; aceite de oliva) en lugar de graxas saturadas (carnes graxas; manteiga).




Empregamos cookies de terceiros para xenerar estatísticas da audiencia (GOOGLE ANALITICS), para o traductor de idiomas (GOOGLE), acollido a “Privacy Shield”.
Se continuas navegando estarás aceitando o seu emprego. Aceptar | Mais información
Confederación Intersindical Galega - Miguel Ferro Caaveiro 10, Santiago de Compostela Versión anterior da páxina Foros Biblioteca Privacidade RSS