Co financiamento de:
/ Portada / Datos estatísticos

O mes de agosto remata con 1.832 accidentes laborais en Galiza

23-09-2015 - SINISTRALIDADE

Dos 1.832 accidentes laborais en xornada laboral rexistrados en Galicia en agosto de 2015, 1.804 foron accidentes leves, 21 graves e 7 mortais. Isto supón un 10,49% máis do rexistrado no mesmo mes do ano anterior que se saldou cun total de 1.658 accidentes.

Os accidentes por sectores os accidentes aumentaron na agricultura nun 1,96%; nos servizos nun 6,27%; na construción nun 15,05%; e na industria nun 22,14%. Pola súa banda, os accidentes diminuíron na pesca nun 6,59%.

O índice de incidencia -que compara o número de accidentes co número de traballadores coas continxencias profesionais cubertas- do total dos accidentes en xornada laboral en Galiza aumentou un 9,02% en agosto deste ano respecto ao mesmo mes do ano anterior. Os aumentos segundo sectores foron: na agricultura do 3,31%; nos servizos do 4,67%; na construción do 13,07%; e na industria do 20,16. A incidencia na pesca diminuíu nun 5,06%.

A sinistralidade laboral aumentou un 10,22% nos oito primeiros meses do ano, cun total de 16.158 accidentes laborais fronte aos 14.660 no mesmo período do ano 2014.

O incremento foi do 3,58% na Coruña; do 5,23% en Lugo; do 9,73% en Ourense; e do 22,53% en Pontevedra.

Empregamos cookies de terceiros para xenerar estatísticas da audiencia (GOOGLE ANALITICS), para o traductor de idiomas (GOOGLE), acollido a “Privacy Shield”.
Se continuas navegando estarás aceitando o seu emprego. Aceptar | Mais información
Confederación Intersindical Galega - Miguel Ferro Caaveiro 10, Santiago de Compostela Versión anterior da páxina Foros Biblioteca Privacidade RSS