Financiado por:
/ Portada / Datos estatísticos

Con 51 traballadores/as falecidos/as no pasado mes de xaneiro, no Estado español os accidentes laborais con resultado de morte experimentaron un estratosférico incremento do 89% en relación ao mesmo mes do ano pasado

29-03-2016 - Sinistralidade

Segundo datos do propio Ministerio de Emprego e Seguridade Social, destes falecementos, 41 producíronse durante a xornada de traballo, 20 máis que en xaneiro de 2015, o que implica un repunte do 95,2%. Os 10 accidentes mortais restantes rexistrados en xaneiro foron "in itínere" (os que se producen no traxecto de casa ao traballo e viceversa), un 66,7% máis que os experimentados no mesmo mes de 2015.

En xaneiro contabilizáronse 36.883 accidentes laborais con baixa, o que supón un aumento do 6,8% respecto ao número de sinistros dun ano antes, cando se produciron 34.534 accidentes. Do conxunto de sinistros, 31.786 accidentes rexistráronse no lugar de traballo e 5.097 foron sinistros "in itínere". Os primeiros aumentaron un 7,8% respecto de xaneiro de 2015, mentres que os segundos incrementáronse un 1,2%.

Os accidentes leves con baixa no posto de traballo sumaron 31.542 en xaneiro, un 7,8% máis, e os graves alcanzaron os 203, os mesmos que en igual mes de 2015. No caso dos sinistros "in itínere", rexistráronse 5.040 accidentes de carácter leve (+1,3%) e 47 de gravidade (-20,3%).

Por actividades económicas, a industria manufactureira rexistrou o maior número de accidentes con baixa en xornada de traballo, ao aglutinar 5.326 sinistros (+6,7%), seguido do comercio almacenista e comerciante polo miúdo e reparación de vehículos a motor, con 4.786 accidentes (+5,2%); as actividades sanitarias e os servizos sociais, con 3.289 sinistros (+3,9%), e a construción, con 3.014 accidentes (+15,3%).

Case todas as actividades incrementaron en xaneiro o seu número de sinistros respecto ao mesmo mes de 2015. Sálvanse as industrias extractivas, que recortaron o seu volume de accidentes un 11,7%, ata sumar 174 sinistros, e a Administración Pública, con 2.513 sinistros, un 1,1% menos que en xaneiro do ano pasado.

Por contra, os maiores repuntes déronse na hostalería, cun aumento do 17% e un total de 2.807 accidentes; na construción (+15,3%, 3.014 sinistros), e en transporte e almacenamento (+11,9%, 2.386 sinistros).

A maior parte dos accidentes laborais débense a sobreesfuerzos físicos, caídas, tropezos, choques contra obxectos en movemento, e contactos con materia cortante, punzante ou duro.

Segundo a estatística de sinistralidade laboral do Ministerio de Emprego, en xaneiro notificáronse 46.515 accidentes sen baixa, un 3,4% máis que en igual mes do ano pasado.

Confederación Intersindical Galega - Miguel Ferro Caaveiro 10, Santiago de Compostela Versión anterior da páxina Foros Biblioteca RSS