Financiado por:
/ Portada / Coronavirus

Actualización Guía de recomendacións preventivas de saúde laboral ante o coronavirus

23-04-2020 - ISSGA

Os cambios máis significativos respecto á versión do 13 de abril afectan ao apartado de “Medidas previas ao inicio da actividade”.

Substitúense os dous últimos parágrafos polo seguinte:

As persoas traballadoras especialmente sensibles (TES) á COVID-19 son as que están incluidas nos grupos vulnerables e ademáis a valoración do seu posto de traballo determinou que existe un risco medio, alto ou moi alto en relación coa exposición ao SARS-CoV-2. Non se terá en conta o risco baixo por ser similar ao comunitario. Estes casos deberán ser valorados polo persoal sanitario do Servizo de prevención de riscos laborais (SPRL), e de ser cualificados como especialmente sensibles, deberánse propoñer as medidas preventivas adecuadas para minimizar o risco no medio laboral (colectivas ou individuais, adaptación de tarefas, reubicación...). Se non se poden adoptar as medidas preventivas, o Médico do Traballo do SPRL emitirá un INFORME para o médico de atención primaria.

O médico de atención primaria será quen poderá emitir a baixa laboral ao persoal traballador afectado polo coronavirus, tanto nas situacións de enfermidade, de illamiento preventivo e a outro persoal que o precise como é o caso dos especialmente sensibles sen posibilidade de adoptar as medidas preventivas adecuadas. Considerase unha situación asimilada a accidente de traballo para a prestación económica, pero a continxencia a cumprimentar será sempre de enfermidade común.

Ligazón á Guía de recomendacións preventivas de saúde laboral ante o coronavirus

Empregamos cookies de terceiros para xenerar estatísticas da audiencia (GOOGLE ANALITICS), para o traductor de idiomas (GOOGLE), acollido a “Privacy Shield”.
Se continuas navegando estarás aceitando o seu emprego. Aceptar | Mais información
Confederación Intersindical Galega - Miguel Ferro Caaveiro 10, Santiago de Compostela Versión anterior da páxina Foros Biblioteca Privacidade RSS