Segundo se indica no informe a intelixencia artificial, a automatización e a robótica darán lugar a unha perda de empregos, na medida que as competencias se volverán obsoletas. Con todo, estes mesmos avances tecnolóxicos, xunto á  ecoloxización das economías, tamén crearán millóns de empregos, se se aproveitan as novas oportunidades.

Entre as recomendacións do  informe se atopan:

• Unha garantía universal de emprego que protexa os dereitos fundamentais dos traballadores/as, garanta un salario que permita un nivel de vida digno, horas de traballo limitadas e lugares de traballo seguros e saudables.
• Unha protección social garantida dende o nacemento ata a vellez que atenda as necesidades das persoas ao longo do seu ciclo de vida.
• Un dereito universal á aprendizaxe permanente que permita que as persoas se formen, adquiran novas competencias e melloren as súas  cualificacións.
• Unha xestión do cambio tecnolóxico que favoreza o traballo decente, mesmo a través dun sistema de  gobernanza internacional das plataformas dixitais de traballo.
• Maiores investimentos nas economías rurais, verdes e do coidado.
• Unha axenda transformadora e mensurable a favor da igualdade de xénero.
• A reestruturación dos incentivos ás empresas a fin de estimular os investimentos a longo prazo.

“Espérannos innumerables oportunidades para mellorar a calidade de vida dos traballadores/as, ampliar as opcións dispoñibles, pechar a brecha de xénero, reverter os estragos causados polas desigualdades a nivel mundial e moito máis. Con todo, nada diso ocorrerá en por si. Sen esas medidas enérxicas, dirixirémonos a un mundo no que se profundarán as desigualdades e incertezas existentes” sinala o informe.

Ligazón ao informe: "Traballar para un futuro máis prometedor"

Fonte: OIT