Substancias perigosas: follas informativas sobre lexislación e substitución10-09-2018 - EU-OSHAComo parte da campaña Healthy Workplaces 2018-2019, EU- OSHA publicou dúas follas informativas: “Marco lexislativo sobre substancias perigosas nos lugares de traballo” e “Substitución de substancias perigosas no lugar de traballo" |
---|
A folla informativa «Marco lexislativo sobre substancias perigosas nos lugares de traballo» ofrece un resumo claro e práctico da lexislación pertinente da UE neste ámbito, tendo en consideración a Directiva marco de SST, Directiva de Axentes Químicos (CAD) e a Directiva sobre axentes carcinóxenos e mutáxenos (CMC). No texto descríbense sete pasos cara á prevención de riscos, e proporciónase un conxunto de ferramentas electrónicas interactivas gratuítas para unha avaliación de riscos máis sinxela.
"Substitución de substancias perigosas no lugar de traballo" establece información sobre a eliminación total dos riscos expostos por determinadas substancias perigosas. Esta folla informativa describe unha serie de principios fundamentais, suxestións prácticas, boas prácticas, ferramentas e métodos de avaliación de riscos, e ligazóns útiles que poden servir como guía no proceso gradual de substitución de substancias perigosas no lugar de traballo.