Co financiamento de:
/ Portada / Actuación preventiva

Os Ministerios de Sanidade e Emprego traballan na inclusión de tres novas enfermidades profesionais

26-11-2015 - ENFERMIDADE PROFESIONAL

O Grupo de Traballo de Enfermidades Profesionais, formado por representantes do Ministerio de Sanidade, do Ministerio de Emprego e Seguridade Social e sindicatos e empresarios, traballa para incluír o cancro de laringe -producido por inhalación de po de amianto e cromo-, o cancro de pulmón por exposición a sílice cristalina e a neumopatía intersticial difusa, na lista de enfermidades profesionais.

Así o fixo saber o Goberno en resposta escrita a unha pregunta do deputado de Carles Campuzano, deputado de CiU, ao que indican ademais que o obxectivo do grupo de técnicos non é outro que “realizar un estudo de evidencia científica, das patoloxías anteriormente referenciadas, que fundamente a causalidade laboral das devanditas enfermidades, e a súa posible inclusión na lista de enfermidades profesionais”.

Non se ofrecen detalles sobre a duración dos traballos nin cando se chegará a unha conclusión. O Goberno precisa tamén que na actualidade o sistema de notificación Comunicación de Enfermidades Profesionais da Seguridade Social, solicita información das patoloxías sufridas polos traballadores que están incluídas no cadro de enfermidades profesionais e “esta información preténdese ampliar incluíndo as enfermidades recoñecidas en aplicación do artigo 115 da Lei Xeral da Seguridade Social”.

Empregamos cookies de terceiros para xenerar estatísticas da audiencia (GOOGLE ANALITICS), para o traductor de idiomas (GOOGLE), acollido a “Privacy Shield”.
Se continuas navegando estarás aceitando o seu emprego. Aceptar | Mais información
Confederación Intersindical Galega - Miguel Ferro Caaveiro 10, Santiago de Compostela Versión anterior da páxina Foros Biblioteca Privacidade RSS