Guía Europea para Inspectores de Traballo sobre sílice cristalina respirable en traballos de construción17-11-2016 - Comisión EuropeaO Comité de Altos Responsables da Inspección do Traballo (SLIC) xunto co Ministerio de Traballo holandés (inspección de traballo) ven de publicar directrices dirixidas a inspectores nacionais de traballo sobre como abordar os riscos para os traballadores/as derivados da exposición á sílice cristalina respirable (SCR) xerada na construción. A guía proporciona información de referencia sobre a SCR, os riscos para a saúde, o marco regulamentario, as medidas de control e unha serie de follas de tarefas en materia de SCR. |
---|
Así mesmo recomenda a adopción de posibles accións naqueles casos nos que é posible atopar un risco de SCR elevado, medio ou baixo para a saúde dependendo do grao e o nivel dos controis levados a cabo polo empresario/ano momento da inspección.
A SCR , que pode provocar enfermidades graves como a silicose, a enfermidade pulmonar obstructiva crónica ou o cancro de pulmón, está xeralizada nos lugares de traballo dos países da UE dentro dun amplo abano de sectores industriais. Este documento centra a atención no traballo na construción debido á súa presenza xeralizada en Europa, e debido aos elevados riscos en termos de potencial de exposición e o amplo número de traballadores/as que poden quedar expostos.
Ligazón ao texto (en inglés)