A exposición ocupacional ao chumbo e os seus compostos persiste hoxe en día en diversos sectores, como a construción, a industria e a artesanía. A exposición regular ao chumbo pode ter graves consecuencias para a saúde. 

A exposición ao chumbo está suxeita a regulacións moi estritas que protexen aos traballadores e as súas familias. O chumbo e os seus compostos están clasificados a nivel europeo como tóxicos para a reprodución.

As medidas de prevención baséanse en principios xerais de prevención e deben cumprir coa normativa específica aplicable aos axentes químicos canceríxenos, mutáxenos ou tóxicos para a reprodución (CMR). O seu obxectivo é reducir a exposición dos traballadores ao nivel máis baixo tecnicamente viable.

O enfoque para previr a exposición ao chumbo baséase en catro puntos crave:

-Identificar os materiais e produtos que conteñen chumbo e os seus compostos;

-Substituír os produtos que conteñen chumbo por alternativas menos perigosas;

-Identificar e caracterizar a exposición ocupacional; e

-Evitar a inhalación (aerosois e po) e a inxestión (mans, auga e alimentos contaminados) de chumbo mediante a implementación de medidas de protección colectivas e individuais.

Medidas preventivas clave para previr a exposición ao chumbo

Utilice procesos que limiten as emisións de fumes e po, realice operacións en espazos pechados ou capture as emisións o máis preto posible da súa orixe.

Manteña as áreas de traballo limpas.

Siga estritas normas de hixiene.

O obxectivo destas medidas preventivas é evitar que os empregados inhalen po e fumes, evitar a contaminación no lugar de traballo e limitar ao máximo o risco de contaminación a través de mans ou roupa contaminadas.

Exposición ao Chumbo: Protéxase, protexa aos seus seres queridos

Este folleto ten como obxectivo concienciar a todos os empregados/as que manipulan chumbo ou entran en contacto directo ou indirecto con el sobre os riscos para a súa saúde e a dos demais. Recomenda medidas de hixiene e prevención para protexerse e evitar contaxiar aos seus seres queridos fóra do ámbito laboral.

Ligazón ao folleto Exposición ao Chumbo: Protéxase, protexa aos seus seres queridos. INRS

Traballadores da Construción - Exposición ao Chumbo

Este folleto ten como obxectivo concienciar a todos os traballadores/as da construción que manipulan chumbo ou entran en contacto directo ou indirecto con el sobre os riscos para a súa saúde e a dos demais. Recomenda medidas de hixiene e prevención para protexerse e evitar contaxiar aos seus seres queridos fóra do ámbito laboral.

Ligazón ao folleto Traballadores da Construción - Exposición ao Chumbo. INRS

Ligazón á sección web Prevención da exposición ocupacional ao chumbo do INRS