As persoas traballadoras do sector forestal están expostas a condicións climáticas adversas, e en ocasións a perigos naturais, como terreos irregulares ou fangosos, vexetación densa e a unha serie de axentes biolóxicos. Ademais, os lugares de traballo adoitan estar afastados e mal comunicados, o que dificulta os labores de rescate e evacuación das persoas traballadoras en caso de emerxencia. Estas condicións poden verse agravadas pola natureza do traballo, debido, por exemplo, á caída inesperada de árbores ou á utilización de equipos de traballo perigosos.

Outros factores, como a mecanización dos traballos, a alta subcontratación, a rotación do persoal, a organización do traballo, as pautas de emprego e a formación tamén desempeñan un papel importante para aumentar ou reducir os perigos asociados ao traballo forestal.

Entre os riscos laborais asociados ás tarefas forestais, os máis característicos son os riscos por cortes coa motoserra ou esmagamento por envorco de maquinaria ou por caída dunha árbore. Tamén nos atopamos con caídas ao mesmo nivel producidas por tropezones cos tocos e caídas a distinto nivel por subirse encima dos troncos amontoados.

A motoserra é a máquina máis empregada nas actividades forestais e a ferramenta que provoca o maior número de accidentes.

Ligazón ao Osalanen hileko aholkua: Seguratasuna Basogintzako Lanetan

Ligazón a máis información sobre ou traballo forestal na páxina web de OSALAN