Financiado por:
/ Portada / Actuación preventiva

Informe anual correspondente a 2013

17-06-2014 - Axencia Europea para a Seguridade e Saúde no Traballo

No seu informe anual correspondente a 2013, a Axencia Europea para a Seguridade e a Saúde no traballo (EU-OSHA) amosa o traballo feito na promoción dos beneficios económicos que comporta o investimento en seguridade e saúde no traballo, subliñando a importancia da colaboración.

Un dos principais logros da EU-OSHA durante o exercicio consistiu na elaboración e a aprobación do seu programa estratéxico plurianual 2014-2020. O programa de traballo, baseado en seis ámbitos prioritarios, centrará as actividades da Axencia en lograr o mellor uso posible dos seus recursos. Os cambios demográficos rexistrados en Europa, en particular o envellecemento da poboación e a maior proporción de mulleres que traballan, influíron esencialmente nos ámbitos prioritarios. O programa de traballo contribuirá significativamente aos obxectivos que se fixou a estratexia Europa 2020 en relación co logro dunha economía europea intelixente, sustentable e integradora.

Ademais, se publicaron as conclusións da terceira Enquisa europea sobre seguridade e saúde no traballo: 16.500 traballadores de 31 Estados responderon a preguntas sobre o estrés relacionado co traballo e a seguridade e a saúde no traballo para os traballadores de máis idade. Os resultados da enquisa, reproducidos nas infografías do informe anual, poñen de relevo a necesidade tanto da campaña da Axencia para 2014-2015 sobre xestión do estrés, como a consolidación das súas actividades no ámbito dos traballadores maiores.

Así mesmo, cabe mencionar a publicación dos resultados do proxecto "Foresight" da EU-OSHA sobre «empregos verdes», a finalización dos preparativos para a segunda edición da emblemática Enquisa europea en empresas sobre riscos novos e emerxentes (ESENER), e a publicación de nove ferramentas novas de avaliación de riscos para o Proxecto Interactivo de Avaliación de Riscos en Liña (OiRA).

Ligazóns: 

Informe completo (en inglés)


Resumo en 25 idiomas


Programa estratéxico plurianual da EU-OSHA para 2014-2020


Enquisa europea sobre seguridade e saúde no traballo

Empregamos cookies de terceiros para xenerar estatísticas da audiencia (GOOGLE ANALITICS), para o traductor de idiomas (GOOGLE), acollido a “Privacy Shield”.
Se continuas navegando estarás aceitando o seu emprego. Aceptar | Mais información
Confederación Intersindical Galega - Miguel Ferro Caaveiro 10, Santiago de Compostela Versión anterior da páxina Foros Biblioteca Privacidade RSS