Financiado por:
/ Portada / Actuación preventiva

A OMS recoñece a síndrome do traballador queimado como enfermidade laboral

03-06-2019 - Organización Mundial da Saúde -OMS-

Na súa última versión da Clasificación Internacional de Enfermidades (CIE), que entrará en vigor o 1 de xaneiro de 2022, entre outras novidades a OMS introduce o exceso de traballo, -tamén coñecido como «síndrome de Burnout»- como trastorno mental.

Na última asemblea da Organización, celebrada o pasado 25 de maio, acordaron incluír esta síndrome dentro da guía de enfermidades asociadas ao traballo describíndoo como un esgotamento físico e mental debido á tensión crónica asociada co traballo e o desemprego; así, encádrase  dentro da sección “os problemas asociados ao emprego e desemprego”, co  Código QD85.

Nese sentido, dende o organismo aclararon, con todo, que a síndrome de desgaste ocupacional «refírese especificamente aos fenómenos no contexto laboral e non debe aplicarse para describir experiencias noutras áreas da vida»

Para a OMS a síndrome caracterízase por tres dimensións:

1) Sentimentos de falta de enerxía ou esgotamento;

2) Aumento da distancia mental con respecto ao traballo, ou sentimentos negativos ou  cínicos con respecto ao traballo; e

3) Eficacia profesional reducida.

Dende a OMS indicaron que o próximo paso será que médicos e especialistas fagan fincapé nas medidas de prevención e tratamento.

No Estado español, distintas sentenzas como  STSX Andalucía Nº 1683/2017, Rec. 1607/2016 do 01 de Xuño de 2017 ou  STSX Navarra Nº 61/2014, Rec. 47/2014, xa analizaron a síndrome do traballador «queimado» cualificándoo como unha nova «enfermidade psicosocial», caracterizada por unha «síndrome de esgotamento físico e mental intenso, resultado dun estado de tensión laboral crónica ou frustración prolongado e que segundo tanto a Psicoloxía do Traballo como a Medicina Forense trátase dun trastorno de adaptación do individuo ao ámbito laboral cuxa caracterización reside no cansazo emocional (perda progresiva de enerxía, desgaste, esgotamento e fatiga emocional)».

Fonte:  iberley

Empregamos cookies de terceiros para xenerar estatísticas da audiencia (GOOGLE ANALITICS), para o traductor de idiomas (GOOGLE), acollido a “Privacy Shield”.
Se continuas navegando estarás aceitando o seu emprego. Aceptar | Mais información
Confederación Intersindical Galega - Miguel Ferro Caaveiro 10, Santiago de Compostela Versión anterior da páxina Foros Biblioteca Privacidade RSS