Financiado por:
/ Medio ambiente

Os puntos negros ambientais de Galiza segundo Greenpeace

04-06-2015 - Medio ambiente

A asociación ecoloxista Greenpeace ven de publicar o informe Radiografía social do medio ambiente en España, onde se analizan os exemplos negativos así como as iniciativas a seguir a nivel medioambiental no Estado español. Segundo este traballo, Galiza ocupa o sexto lugar entre as comunidades autónomas en índice de calidade medioambiental, nunha situación de saúde media, detectandose 27 puntos negros e dez iniciativas e políticas verdes exemplares.

Entre os puntos negros que se inclúen no estudo están a contaminación nas rías, que afecta á pesca e ao marisqueo, a presenza das centrais térmicas de carbón altamente contaminantes (As Pontes e Meirama), as de ciclo combinado (As Pontes e Sabón), os verquidos da refinería de Repsol en A Coruña, a regasificadora en Mugardos, Ence en Pontevedra, a pesca destrutiva (arrastre en profundidade ou as granxas de salmón na ría de Muros e Noia), a queima de residuos da cementeira en Ourol, o elevado nivel de incineración da planta de basuras de Sogama, o  vertedoiro de medicamentos en Cerceda, no que hai “milleiros de toneladas depositadas”,  o alto nivel de incendios forestais ( no 2014 o 44% dos incendios forestais do Estado español tivo lugar en Galiza) ou os casos de especulación urbanística (cita como exemplos Sanxenxo e Moaña)

Como elementos positivos, destaca a elevada produción de enerxías renovables, que Galiza é un territorio libre de fracking, a movilización da cidadanía contra proxectos como a mina de ouro en Corcoesto ou que é un dos territorios con maior número de embarcacións de pesca artesanal.

 

Ligazón ao informe Radiografía social do medio ambiente en España

Empregamos cookies de terceiros para xenerar estatísticas da audiencia (GOOGLE ANALITICS), para o traductor de idiomas (GOOGLE), acollido a “Privacy Shield”.
Se continuas navegando estarás aceitando o seu emprego. Aceptar | Mais información
Confederación Intersindical Galega - Miguel Ferro Caaveiro 10, Santiago de Compostela Versión anterior da páxina Foros Biblioteca Privacidade RSS