Financiado por:
/ Medio ambiente

Os Camiños de Santiago do Norte declarados pola UNESCO Patrimonio Mundial

13-07-2015 - UNESCO

Hai só uns días, a Unesco incluíu os Camiños de Santiago do Norte Peninsular na lista de Patrimonio da Humanidade. As catro rutas do Camiño de Santiago, agora inscritas na lista do Patrimonio Mundial, -O Camiño Primitivo, que se inicia en Oviedo; o Camiño Costeiro; o Camiño vasco-rioxano, que comeza en Irún; e o Camiño de Liébana, ramal que une o Camiño co Mosteiro de Santo Toribio- suman unha lonxitude global de 1.498,91 quilómetros.

Esta inclusión vén a completar o Camiño Francés, recoñecido pola UNESCO en 1993 e as rutas francesas do Camiño, recoñecidas en 1998.

En 2006 constituíuse o grupo de traballo, presidido polo Principado de Asturias, no que participaron todas as comunidades polas que discorren as rutas xacobeas do norte do Estado: País Vasco, A Rioxa, Cantabria, Asturias e Galiza, ademais do Ministerio de Cultura, que conclúe con esta declaración.

Tamén se incluíron no listado 16 bens de interese cultural directamente vinculados ao Camiño de Santiago.

Empregamos cookies de terceiros para xenerar estatísticas da audiencia (GOOGLE ANALITICS), para o traductor de idiomas (GOOGLE), acollido a “Privacy Shield”.
Se continuas navegando estarás aceitando o seu emprego. Aceptar | Mais información
Confederación Intersindical Galega - Miguel Ferro Caaveiro 10, Santiago de Compostela Versión anterior da páxina Foros Biblioteca Privacidade RSS