Financiado por:
/ Medio ambiente

Cambio climático

09-01-2014 - CLIMA

A universidade de Cornell acaba de poñer en marcha unha nova páxina web dedicada aos que, sen ser profesionais, están interesados en coñecer o problema do cambio climático e en que medida poden contribuír eles persoalmente a mitigalo.

Os promotores consideran que entre o seu público poderían encontrarse os agricultores, os xardineiros e os estudantes, entre outros colectivos.

Un dos elementos centrais da páxina é unha base de datos consultable sobre as investigacións de carácter ambiental realizadas na universidade, na que se inclúen resumos dos resultados, direccións de contacto e outros datos de posible interese.

Aínda que a información contida na páxina é de interese xeral, a intención é prestar tamén un servizo de carácter local, mellorando e intensificando as relacións da universidade coas comunidades do seu ámbito xeográfico. David Wolfe, un dos responsbles do proxecto, declarou: "O nordés xa está a sentir os efectos do cambio climático. Hai moita xente en Cornell que traballa en solucións prácticas a estes retos - dende a investigación na agricultura, a economía, a enxeñaría ata as ciencias sociais e o traballo de Extensión Cooperativa cos agricultores e as comunidades. O noso sitio web axudará ao público a participar coa experiencia de Cornell para poñer en práctica solucións".

"O noso obxectivo final é o de explicar a ciencia do cambio climático, para que todo o mundo pode entender como afecta ás súas vidas e pode comezar a facer cambios", dixo Allison Chatrchyan, directora do novo Instituto de Cornell para o Cambio Climático e Agricultura. "Nós transmitimos información do Centro Climático Rexional do Nordés en Cornell que axuda a comprender os eventos meteorolóxicos recentes dentro do contexto do cambio climático".

Entre os apartados de interese da páxina destaca o frecuentemente actualizado: Que pasa co tempo? Outros apartados interesantes son o Foro Climático, onde os expertos de Cornell explican a súa investigación para o público ou un tema de actualidade nas noticias; un consultorio climático, onde os visitantes poden solicitar a un experto de Cornell que responda ás súas preguntas; vídeos relacionados co cambio climático e noticias céntrase en como a comunidade de Cornell está a abordar os problemas do cambio climático.

Acceso á páxina web sobre o cambio climático.

 

Fonte: Universidade de Cornell

Empregamos cookies de terceiros para xenerar estatísticas da audiencia (GOOGLE ANALITICS), para o traductor de idiomas (GOOGLE), acollido a “Privacy Shield”.
Se continuas navegando estarás aceitando o seu emprego. Aceptar | Mais información
Confederación Intersindical Galega - Miguel Ferro Caaveiro 10, Santiago de Compostela Versión anterior da páxina Foros Biblioteca Privacidade RSS