Devandito programa está previsto na Declaración do Centenario, no Chamamento mundial á acción para unha recuperación centrada nas persoas da crise causada pola COVID-19 que sexa inclusiva, sostible e resiliente, e nas Conclusións relativas ás desigualdades e o mundo do traballo, adoptadas pola 109.ª reunión da Conferencia Internacional do Traballo en 2021 15.

As estratexias deste plan de acción —baseadas na natureza transversal e decisiva da igualdade de xénero para o traballo decente— comprenden métodos integrados. Así, segundo a política de igualdade de xénero da OIT, a igualdade de xénero está interiorizada en toda o OIT e reflíctese no seu traballo técnico, as súas actividades operativas e os seus servizos de apoio. Estas estratexias se ba san en documentos normativos fundamentais, entre os que se inclúen non só os exemplos mencionados anteriormente, senón outros como a Declaración da OIT sobre a xustiza social para unha globalización equitativa de 2008 16, e a Resolución relativa á igualdade de xénero como eixo do traballo decente, de 2009 17.

As estratexias deste plan de acción están deseñadas para axudar tamén a promover o compromiso, a colaboración e a rendición de contas entre os membros do persoal e a dirección da OIT. Iso supón crear conciencia sobre as disparidades de xénero no mundo do traballo e axudar a emendalas, estimular o intercambio de coñecementos, como boas prácticas e leccións aprendidas, e promover o procedemento correcto dunha análise transformadora de xénero (véxase o recadro). Estas tarefas, que se reforzan mutuamente, axudarán a abordar as barreiras estruturais históricas e arraigadas que impiden a igualdade para todas as persoas. As estratexias deste plan de acción contribuirán ademais ás actividades das Nacións Unidas destinadas a lograr a igualdade de xénero e o empoderamento das mulleres, entre outras cousas, axustándose ao xa citado ONU-SWAP.

Ligazón ao Plan de Acción da OIT sobre Igualdade de Xénero 2022-2025

OIT 2022