Financiado por:
/ Igualdade

A xustiza condena a unha empresa por discriminación por asignar todos os postos de confianza a homes

06-02-2019 - SENTENZA

As empresas non poden designar postos de confianza a dedo se con esta medida está a discriminarse indirectamente ao persoal feminino. Así se establece nunha recente sentenza dun xulgado do social de Palma de Mallorca, que obriga a unha empresa municipal a sacar a concurso as sete prazas de xefe de sector que asignara directamente aos empregados homes que viñan realizando interinamente estas funcións.

O tribunal considera que, aínda que a priori é unha decisión neutra que consolida unha situación fáctica, na práctica discrimina indirectamente ás mulleres do persoal, ás que non se lles dá a oportunidade de acceder a estes postos de mando. Ademais, condena á empresa para indemnizar con 2.000 euros a cada demandante polos danos morais que esta situación xerou.

Esta decisión ten en conta que a actuación da compañía foi formalmente correcta, pois segundo o convenio colectivo do sector tiña potestade para designar e revogar libremente os postos que implicasen mando ou especial confianza, que quedaban excluídos da regra xeral prevista no convenio de empresa que obrigaba a sacar a concurso ou promoción as prazas vacantes ou de nova creación.

A empresa procedeu a consolidar a categoría dos traballadores que viñan desempeñando funcións efectivas de xefes de sector durante certo tempo sen antes ofrecer a posibilidade de desempeñar estas tarefas, aínda de forma temporal, ás mulleres traballadoras. Non promoveu por tanto os postos a través promoción interna.

Deste xeito, o persoal feminino da empresa, grupo minoritario que se estaba representado nalgúns postos directivos, non puido optar a cubrir as prazas, o que motivou a demanda do comité de empresa.

A través do correspondente conflito colectivo pediu a anulación da medida por vulnerar os dereitos das traballadoras e supoñer unha discriminación sexista. Ademais, esixían unha indemnización de 30.000 euros a cada un dos demandantes polos danos causados e pola posposición do seu dereito á promoción profesional.

Pola súa banda, o ministerio fiscal tamén entendeu vulnerado o dereito á non discriminación por razón de sexo.

 

Para resolver o conflito, o xuíz aplica o principio de igualdade consagrado no artigo 14 da Constitución na súa vertente de prohibición de discriminación indirecta, apoiándose na xurisprudencia do Tribunal de Xustiza Europeo. Non se trata de que neste caso, explícase, estea a tratarse mellor aos empregados que ás empregadas, senón que a medida resulta prexudicial na práctica para as mulleres da empresa. A pesar de que a decisión fose aparentemente neutral e conforme a convenio, explica na súa sentenza, non deberon consolidarse as prazas sen ofrecer a posibilidade ás traballadoras de realizar as devanditas funcións polo menos de forma temporal.

Por este motivo, condénase á empresa para ofertar en igualdade de condicións ditas prazas e a indemnizar con 2.000 euros ás traballadoras demandantes, rexeitando así a suma de 30.000 euros que solicitara o comité debido a que, como razoa o xuíz, non podería determinarse a priori que os demandantes accedesen efectivamente aos postos tras o proceso selectivo.

O Tribunal Constitucional estimou que a estatística é un medio revelador da existencia de discriminación sexista indirecta. Neste senso, os xulgadores poden apoiarse nestes datos como fonte de indicios de discriminación.

O concepto de discriminación indirecta por razón de sexo vén definido na directiva relativa á aplicación do principio de igualdade de oportunidades e igualdade de trato entre homes e mulleres en asuntos de emprego e ocupación. A norma di que é a situación en que unha disposición, criterio ou práctica aparentemente neutros sitúan a persoas dun sexo determinado en desvantaxe particular respecto a as persoas do outro sexo, salvo que se poida xustificar obxectivamente cunha finalidade lexítima.

O Tribunal de Xustiza da Unión Europea decartou, por este motivo, as diferenzas que se implantan atendendo só e exclusivamente ao menor número de horas traballadas, dado a porcentaxe de mulleres que se atopan empregadas a tempo parcial.

Fonte: cincodias. elpais.com

Empregamos cookies de terceiros para xenerar estatísticas da audiencia (GOOGLE ANALITICS), para o traductor de idiomas (GOOGLE), acollido a “Privacy Shield”.
Se continuas navegando estarás aceitando o seu emprego. Aceptar | Mais información
Confederación Intersindical Galega - Miguel Ferro Caaveiro 10, Santiago de Compostela Versión anterior da páxina Foros Biblioteca Privacidade RSS