Boletín CIG Saúde Laboral Nº 58. Monográfico Sector

26-02-2025 - GABINETE TÉCNICO CONFEDERAL DE SAÚDE LABORAL-CIG

A sílice ou dióxido de silicio (SiO2), é un componente básico da terra, area, granito e outros moitos minerais que pode presentarse en forma cristalina ou amorfa (non cristalina), tanto en depósitos sedimentarios naturais como en produtos creados artificialmente. A forma máis común de sílice cristalina é o cuarzo, que se atopa na maioría dos distintos tipos de rocha. As fontes de exposición laboral a sílice cristalina son moi numerosas xa que forma parte da composición de moitos minerais, que a súa vez son compoñentes básicos dunha gran variedade de actividades ou sectores industriais. Aínda que a potencial exposición a sílice cristalina respirable é un risco coñecido en moitas actividades e sectores, a aparición de novos materiais de construción, como os aglomerados de cuarzo, cunha elevada proporción de sílice cristalina entre os seus compoñentes, propiciou a aparición de novos casos de silicose en actividades laborais nas que ata hai pouco tempo non se producían.