Co financiamento de:
/ Gabinete

Boletín CIG - Saúde Laboral Nº 2

03-07-2012 - GABINETE TÉCNICO CONFEDERAL DE SAÚDE LABORAL - CIG

A terceira entrega do Boletín CIG - Saúde Laboral xa está dispoñible. Partimos dun editorial no que Antolín Alcántara Álvarez, Secretario Confederal de Negociación Colectiva e Saúde Laboral, aborda en parte as consecuencias que para os traballadores e traballadoras está tendo a implantación da reforma laboral, consecuencias estas que se reflicten nun deterioro das condicións de traballo, da saúde laboral e da calidade de vida do conxunto da poboación. Artigos nos que se tratan temas relacionados co amianto, a protección da maternidade, as mutuas ou a biomecánica, completan o sumario deste número.

O Boletín CIG - Saúde Laboral Nº1, pode descargarse premendo na seguinte ligazón ou acudindo á portada da web, ao espazo específico que ocupa o Boletín. En formato papel está a vosa disposición nos locais da Confederación Intersindical Galega.

Neste número podedes atopar os artigos informativos "Protección da maternidade no traballo" e "Problemas coas mutuas?" no apartado de Información Técnica e "O amianto" en Sabías que...?.

Na sección de  Entrevistas falamos con Cristóbal Carneiro Mella, expresidente de AGAVIDA, Asociación Galega de Víctimas do Amianto, quen nos relata cómo xurde a asociación no ano 2004, e a traxectoria e logros da mesma nos anos que leva funcionando.

No apartado de Colaboracións, contamos neste caso co artigo "Biomecánica e prevención de riscos laborais" , elaborado por Alexandre e Xavier Alfonso Cornes, Enxeñeiros Biomecánicos e Directores Técnicos de UMANA, Centro Sanitario de Investigación Biomecánica Aplicada.

Gabinete Técnico Confederal de Saúde Laboral.

Confederación Intersindical Galega

Empregamos cookies de terceiros para xenerar estatísticas da audiencia (GOOGLE ANALITICS), para o traductor de idiomas (GOOGLE), acollido a “Privacy Shield”.
Se continuas navegando estarás aceitando o seu emprego. Aceptar | Mais información
Confederación Intersindical Galega - Miguel Ferro Caaveiro 10, Santiago de Compostela Versión anterior da páxina Foros Biblioteca Privacidade RSS