Portada
Gabinete
Recursos técnicos
Igualdade
Denuncias
Enlaces de Interese
Contacto
9/5/2016
Facebook Twitter Google Plus Menéame del.icio.us Chuza
compartir

Biobutanol a partir de residuos de cervexa

I+D+i
Investigadores do Grupo de Tecnoloxía de Procesos Químicos e Bioquímicos da Universidade de Valladolid, coa colaboración de investigadores do Instituto Tecnolóxico Agrario de Castela e León, están a traballar nun proxecto que estuda o emprego do residuo sólido que se xera no proceso de elaboración da cervexa, para producir biobutanol, un tipo de biocombustible con gran potencial debido á súa similitude coa gasolina.

O bagazo da cervexa representa preto dun 30 por cento do gran da cebada; a valorización e aproveitamento deste residuo por parte das industrias cervexeiras para xerar novos produtos de valor engadido, abre o campo de investigación no ámbito dos biocombustibles. O proceso de obteción de biocombutibles a partir de residuos agrícolas é un tanto complexo; estos residuos agrícolas teñen varios compoñentes fundamentais, compostos de tipo celulosa ou hemicelulosa e maior ou menor contido en lignina. Eses carbohidratos (celulosa e hemicelulosa) son unha fonte potencial de azucres que poden fermentar e transformar en biocombustibles. O obxectivo primeiro é tratar de conseguir a maior cantidade de azucres presentes nestes compostos para logo obter o maior rendemento posible.

Na fermentación, os investigadores empregan microorganismos do xénero Clostridium, bacterias capaces de fermentar a butanol con rendementos axeitados. Como destaca unha das investigadoras, "sempre se trata de traballar con cepas naturais, cepas non modificadas xeneticamente, en condicións sinxelas de mantemento e operación e que non supoñen un risco para a saúde, xa que a idea final é trasladar o proceso a unha escala industrial sexa de maneira simple e co menor custo".

Con la financiación de/ Co financiamento de:
DI-0015/2009, AD-0002/2011, DI-0001/2011, DI-0001/2012, DI-0001/2013, DI-0001/2014, DI-0001/2015. Os contidos publicados son responsabilidade exclusiva do Gabinete Técnico Confederal de Saúde Laboral da Confederación Intersindical Galega e non reflicte necesariamente a opinión da Fundación para a prevención de riscos laborais