Portada
Gabinete
Recursos técnicos
Igualdade
Denuncias
Enlaces de Interese
Contacto
9/11/2016
Facebook Twitter Google Plus Menéame del.icio.us Chuza
compartir

Entra en vigor o Acordo de París contra o cambio climático

Cambio climático
Logo de tan só once meses dende a súa sinatura, o pasado día 4 de novembro entrou en vigor o Acordo de Paris, unha vez que 55 partes da Convención Marco das Nacións Unidas sobre o Cambio Climático (CMNUCC) que sumen a lo menos o 55% do total das emisións de gases de efecto invernadoiro depositaran neste órgano da ONU os instrumentos de ratificación, aceptación, aprobación ou adhesión ao tratado. Entre os que ratificaron o acordo figuran os maiores contaminantes, entre eles China, EE UU e India. Pendente está concretar as cotas de redución das emisións para aplicar a partir do ano 2020, e pendente está a dotación do fondo de 100.000 millóns de dólares para compensar aos países en desenvolvemento.

O Estado español non ratificou aínda o acordo, feito que terá lugar, segundo o Secretario de Estado para o Medio Ambiente, no 2017.

O obxectivo do Acordo de París é manter o incremento da temperatura media mundial  por baixo de 2ºC e o máis preto posible dos 1,5ºC.  A Unión Europea no seu conxunto comprometeuse a que as emisións no 2030 sexan un 40% inferiores ás de 1990. Hai que ter en consideración que a zona do Mediterráneo ten un quecemento maior que a media, así mentres que a temperatura media do planeta subiu en torno a  0,85ºC, na zona mediterránea o incremento sitúase en 1,3ºC; o actual ecosistema mediterráneo só poderá ser preservado se o incremento medio de temperatura non chega ao 1,5ºC; un estudo publicado pola revista Science indica que de manterse os niveis de emisións actuais, un terzo da península ibérica tería unha paisaxe tan árida como o deserto de Tabernas de Almería.

E mentres o conxunto da UE reduce as emisións, o Estado español está a incrementalas. Aínda que por mor da crise económica descenderon a partir de 2007, os datos de 2015 amosan un incremento dun 3,2%.

Con la financiación de/ Co financiamento de:
DI-0015/2009, AD-0002/2011, DI-0001/2011, DI-0001/2012, DI-0001/2013, DI-0001/2014, DI-0001/2015. Os contidos publicados son responsabilidade exclusiva do Gabinete Técnico Confederal de Saúde Laboral da Confederación Intersindical Galega e non reflicte necesariamente a opinión da Fundación para a prevención de riscos laborais