Portada
Gabinete
Recursos técnicos
Igualdade
Denuncias
Enlaces de Interese
Contacto
6/9/2017
Facebook Twitter Google Plus Menéame del.icio.us Chuza
compartir

O bisfenol A incluído na lista de sustancias químicas “moi preocupantes” pola Axencia Europea de Substancias e Mesturas Químicas

SAÚDE
A Axencia Europea de Substancias e Mesturas Químicas (ECHA) incluíu ao bisfenol A (BPA) na lista de “substancias altamente preocupantes” debido a que este composto químico amplamente utilizado na produción de plásticos é un disruptor endocrino, é dicir, é capaz de alterar o equilibrio hormonal en humanos.

O bisfenol A é un produto químico utilizado na produción de plásticos de policarbonato e os revestimentos dalgúns tipos de latas de alimentos e bebidas. Diversos estudos indican que ten efectos disruptores endocrinos e que pode ter consecuencias adversas para a saúde para a reprodución, o sistema nervioso, o sistema inmunológico, e para os riscos de cancro.

A decisión de incluír ao bisfenol A en esta lista foi adoptada por unanimidade no Comité dos Estados membros de ECHA, reunido en Helsinqui, segundo unha nota difundida por este organismo. A decisión responde a unha proposta presentada por Francia na que se destacaba que diversos estudos alertan desde hai anos que o bisfenol A pode provocar efectos adversos para a saúde, incluíndo alteracións no desenvolvemento das glándulas mamarias, funcións cognitivas e metabolismo.

Con la financiación de/ Co financiamento de:
DI-0015/2009, AD-0002/2011, DI-0001/2011, DI-0001/2012, DI-0001/2013, DI-0001/2014, DI-0001/2015. Os contidos publicados son responsabilidade exclusiva do Gabinete Técnico Confederal de Saúde Laboral da Confederación Intersindical Galega e non reflicte necesariamente a opinión da Fundación para a prevención de riscos laborais