Portada
Gabinete
Recursos técnicos
Igualdade
Denuncias
Enlaces de Interese
Contacto
6/3/2015
Facebook Twitter Google Plus Menéame del.icio.us Chuza
compartir

Día Internacional da Muller Traballadora

8 de marzo
Polo xeral son mellores estudiantes, sacan mellores notas, chegan en maior número á universidade e, sen embargo eso non se reflicte no mercado laboral. O xénero continúa a marcar a relación de homes e mulleres co traballo remunerado. É máis se cabe en momentos de crise e escaseza de traballo. Por outra banda, se temos en consideración os últimos datos aportados polo INE, a progresiva equiparación de mulleres e homes no mercado laboral non se corresponde cunha similar presenza dos homes no ámbito doméstico e de coidado da familia. As mulleres seguen a ser as que máis concilian.

Aínda que as mulleres teñen incrementado a súa presenza no mercado laboral, a súa participación no mesmo ten un resultado desigual, agravado nos últimos anos pola crise económica: por unha banda continúase a manter ou incluso se incrementa a brecha salarial entre homes e mulleres e pola outra aparece unha desigualdade laboral e salarial  entre mulleres: aquelas que manteñen un  emprego estable e ben remunerado e as que subsisten con traballos precarios (segundo datos da Axencia Tributaria 92.839 mulleres tiveron uns ingresos inferiores aos 1.861,00 euros brutos anuais), empregos a xornada parcial (o 75% dos traballos a xornada parcial durante o 2014 foron desempeñados por mulleres) ou contratos temporais (en torno ao 23%). Traballos que permitan ademáis atender ás necesidades familiares, perpetuando o rol de coidadoras que recae históricamente nas mulleres.

 

Segundo datos da Seguridade Social correspondentes a 2014, as mulleres continúan a ser as principais responsables de coidar á familia; así 9 de cada 10 excedencias por coidado concedidas en Galiza no ano pasado foron de traballadoras. En relación ás prestacións por maternidade e paternidade, tramitáronse un total de 14.279 en Galiza e unicamente en 305 casos, o 2%, a baixa foi compartida polo pai.

 

Datos do INE amosan que en torno ao 95% das persoas que teñen un traballo a tempo parcial para coidar persoas dependentes son mulleres. A Enquisa de Poboación Activa certifica que a finais de 2014 unhas 11.000 galegas non podían traballar a xornada completa por teren que coidar "nenos,  adultos enfermos, incapacitados ou maiores", mentres que unicamente 600 homes estaban nesta situación.

A Secretaría da Muller da CIG conmemora o 8 de marzo, Día Internacional da Muller Traballadora, baixo o lema “Traballo digno. Salario xusto”. 

Manifestación unitaria do feminismo galego con motivo do 8 de marzo, "Feminismo para avanzar. Xuntas na mesma loita"

Con la financiación de/ Co financiamento de:
DI-0015/2009, AD-0002/2011, DI-0001/2011, DI-0001/2012, DI-0001/2013, DI-0001/2014, DI-0001/2015. Os contidos publicados son responsabilidade exclusiva do Gabinete Técnico Confederal de Saúde Laboral da Confederación Intersindical Galega e non reflicte necesariamente a opinión da Fundación para a prevención de riscos laborais